Foz, 12 de xullo de 2021. O Concello de Foz organiza os días 15, 16, 17 e 18 de xullo unha celebración de pequeno formato para honrar á patroa dos mariñeiros. Coa colaboración da asociación O Noso Foz e a Confraría da Virxe do Carme estes días estarán cheos de pequenos actos e actuacións musicais.
O día 15, xoves, ás 19 horas será a inauguración da exposición na honra de Suso do Bahía, ex cronista oficial de Foz, no CENIMA. Ás 21 horas haberá o pregón, que estará a cargo do novo cronista oficial, Xoán Ramón Fernández Pacios, na praza Conde de Fontao. Ás 22 horas o grupo Nostalgia amenizará a noite cun concerto con butacas e os debidos protocolos na mesma Praza Conde de Fontao.
O venres 16, día grande do Carme de Foz, haberá misa ás 12 horas na Praza Conde de Fontao, que estará engalanada cunha alfombra floral; na fronte máis mariñeira de Foz, a carón do noso porto pesqueiro. Ás 13.30 horas será a quenda da actuación musical e baile tradicional da agrupación O Feitizo, e a sesión vermú a partir das 14 horas estará amenizada na praza Conde de Fontao por un DJ e na zona da Rapadoira polo grupo Mister Hathawai. Ás 22 horas en Conde de Fontao actuará o grupo D’Cano e na Rapadoira Jorge Menendez Quartet.
O sábado 17 a sesión vermú estará a cargo do grupo Cosas de Casa na Praia da Rapadoira, na Praza Conde de Fontao actuará a Banda Municipal de Música de Foz e na rúa Álvaro Cunqueiro contaremos cun DJ. Pola noite, ás 22 horas será a quenda de Queen Pro Quo, na Rapadoira, e Cosas de Casa en Conde de Fontao.
O domingo día 18 ás 14 horas actuarán Dos punto com na Praza na Rapadoira e o trío Los de La Bamba en Conde de Fontao.
O concelleiro de Festas, Javier Fraga, e a concelleira de Cultura, Inés López, indican que o aforo será limitado en todas as actividades, con control dos accesos en cumprimento da normativa COVID. O presidente da Asociación O Noso Foz, Ángel Fernández Neira, invita a todos os focegos e visitantes que nos acompañan a celebrar estes días con sentidiño e coas máximas medidas de seguridade, pregando responsabilidade a todos os que queiran acudir a elas.
Desde o Concello de Foz agradecen o traballo de todos os que farán posible esta programación nunha situación complicada: asociación O Noso Foz, Confraría da Virxe do Carme, alfombristas e, por suposto, colaboradores, operarios municipais e forzas de seguridade.
O alcalde, Fran Cajoto, desexa a todas as veciñas e veciños do concello “unha moi feliz xornada na celebración máis tradicional e mariñeira, que se fai extensiva tamén ás parroquias de Santa Cilla, Cangas, San Martiño ou Nois, que tradicionalmente tamén honran á Virxe en distintas datas”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
