Ribadeo, 26 de xullo de 2021. O Centro Integrado de Formación Profesional Porta da Auga, de Ribadeo, oferta prazas no Ciclo Medio de Instalacións Eléctricas e Automáticas, que ten un unha gran demanda laboral en moitas empresas. Pero se non se conseguise alumnado suficiente esta formación deixaría de ofrecerse neste centro ribadense no vindeiro curso.
O director do centro, Isidro Berdeal, explica que o Ciclo Medio de Instalacións Eléctricas e Automáticas “leva moitos anos implantado no CIFP Porta da Auga, habendo gran demanda por parte do tecido empresarial da comarca para a colocación do alumnado que cursa este ciclo. Sen embargo agora mesmo temos moi pouco alumnado interesado en cursalo, co conseguinte risco de que quede suprimido da oferta educativa do CIFP Porta da Auga, o que sería unha mágoa porque neste centro tamén ofrecemos a posibilidade de continuar estes estudos cun ciclo superior da mesma especialidade. Os requisitos de acceso son os habituais para un ciclo medio: unha titulación de Secundaria, ter superada a proba de acceso a ciclos medios ou ter estudos superiores a estes”.
Isidro Berdeal engade que “agora mesmo as prazas están liberadas polo que a xente interesada pode presentar a solicitude ata este venres, 30 de xullo”.
Os que queiran máis información sobre este Ciclo Medio de Instalacións Eléctricas e Automáticas poden pasar polo CIFP Porta da Auga ou chamar ao teléfono 982.12.88.94.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
