Lugo, 27 de xullo de 2021. O Presidente da Deputación de Lugo, José Tomé Roca, anunciou este martes a posta en marcha do programa Saborea a túa provincia cunha demostración das xornadas gastronómicas e lúdicas que percorrerán a provincia na praza de San Marcos. Viveiro acollerá este sábado, 31 de xullo, a primeira parada do Saborea, unha cita gratuíta que recalará tamén nos concellos de Burela, Lourenzá, O Valadouro, A Fonsagrada, Guitiriz, Láncara e Monforte de Lemos ao longo das fins de semana do mes de agosto. Para levar un control dos asistentes, e poder aplicar todas as medidas de prevención da Covid, repartiranse entradas que se poderán recoller en cada concello ou no propio recinto.
José Tomé, que compareceu esta tarde na praza de San Marcos xunto á Deputada de Réxime Interior, Promoción do Territorio e Turismo, Pilar García Porto, lembrou que Saborea a túa provincia é unha medida incluída no Plan de Impulso da Economía da Provincia que ten como obxectivo “promocionar e incentivar o consumo dos produtos de calidade da nosa terra, como fórmula para dinamizar a economía dos concellos e para axudar na recuperación da hostalería, do turismo, do comercio e dos pequenos produtores, que viron moi mermada a súa actividade pola pandemia.”
Saborea a túa provincia nace ademais con vocación de continuidade “porque responde ó modelo de turismo polo que apostamos dende a Deputación de Lugo para favorecer o desenvolvemento socioeconómico da provincia: un turismo de calidade, sostible, non masificado, que pon en valor o patrimonio e que crea emprego, especialmente no rural”,
explicou o Presidente.
Como demostración do que acontecerá en cada unha destas xornadas, un autobús repartiu, diante do Pazo de San Marcos, produtos gastronómicos entre a veciñanza, que tamén puido escoitar os ritmos do grupo Atlántica e desfrutar dunha actuación de maxia a cargo do Mago Rafa. Tamén se sortearon diferentes lotes gastronómicos con produtos de proximidade entre os asistentes. Ao acto asistiron deputados e deputadas provinciais e tamén os alcaldes e alcaldesas dos diferentes concellos nos que recalará esta cita lúdica e gastronómica.
Un programa con catro espazos diferenciados
Cada unha das xornadas do Saborea a túa provincia arrancará ás 11.30 horas e prologarase ata as 19.30, e contará con catro espazos diferenciados:
– Un autobús-cociña onde profesionais da asociación provincial de cociñeiros e cociñeiras de Lugo elaborarán receitas con produtos típicos de cada zona. Utilizarán alimentos con distinción da súa calidade polo selo Denominación de Orixe ou Indicación Xeográfica Protexida, como a Faba de Lourenzá, a Pataca Galega, o Pemento de Mougán, o Lacón, a Tarta de Santiago, o Mel de Galicia ou o queixo San Simón da Costa; e tamén empregarán nas súas elaboracións razas autóctonas como o Porco Celta, a Galiña de Mos ou o Vacún Galego. Estas demostracións culinarias poderán seguirse nunha pantalla xigante, terán lugar pola mañá e poderán participar un máximo de 50 persoas.
– Degustación de pratos elaborados con produtos de proximidade. Esta actividade terá lugar polas tardes e poderán participar ata 100 persoas.
– Haberá conferencias e catas da man dos responsables de produtos con recoñecemento de Denominación de Orixe e Indicación Xeográfica Protexida da Provincia.
– Outro espazo estará dedicado a concertos, nos que actuarán grupos musicais da zona, e a espectáculos de maxia para os máis pequenos da man do Mago Rafa.
Entre as persoas que participen en calquera das charlas, actuacións e obradoiros, sortearanse máis de 100 lotes de produtos gastronómicos da provincia.
9 concellos con receitas adaptadas aos produtos de cada un
As demostracións culinarias e as degustacións que se celebrarán no autobús do Saborea a túa provincia terán lugar entre as 12.30 horas e as 14.00 horas e os cociñeiros e cociñeiras utilizarán para as súas elaboracións os produtos de proximidade máis característicos de cada concello. Entre as receitas que se elaborarán:
Viveiro. O sábado 31 de xullo elaborarase merluza de Burela salgada e curada con vizcaína dos seus callos a cargo de Michel Cociña, do restaurante Fumieiro (Covas).
Burela. O domingo 1 de agosto farase bonito curado, crocante de curri e vinagreta da man de Bruno Pena, do restaurante Oca Playa (Foz).
Lourenzá. O sábado 7 de agosto cociñarase faba de Lourenzá IXP con espada en escabeche e clorofila de codium polo cociñeiro do Asador del Alba (San Cosme de Barreiros), Jesús Villarino.
O Valadouro. O domingo 8 de agosto elaborarase merluza de Burela e aliño de mel do Valadouro a cargo de Bruno Pena, do restaurante Oca Playa (Foz).
A Fonsagrada. O sábado 14 de agosto farase troita curada, brioche e alioli de escabeche e sopa de mel e vainilla, biscoito de limón e migas de chocolate da man de Pablo Vila Cano, do restaurante Oca (Santiago).
Guitiriz. O sábado 21 cociñarase touciño de Porco celta glaseada con pementos de Mougán e os seus crocantes da man do cociñeiro Santi Almuiña, do Mesón Colón (Nadela).
Vilalba. O domingo 22 elaborarase un canelón recheo de capón de Vilalba trufado con espuma de San Simón e flor de allo a cargo do cociñeiro de Pascuais Eventos (Parada de Outeiro de Rei) Diego López.
Láncara. O sábado 28 de agosto cociñarase galo de Mos en tres coccións con San Simón, por Santi Almuiña, do Mesón Colón (Nadela).
Monforte de Lemos. O domingo 29 de agosto farase tenreira “arábiga” con parmentier de moca e nata solla do cociñeiro Manuel Fernández, do restaurante Manuel Bistró (Monforte de Lemos).
No desenvolvemento de todas estas actividades aplicaranse todas asmedidas de prevención da Covid decretadas polas autoridades sanitarias, adaptándoas á evolución da pandemia e á situación epidemiolóxica de cada concello.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
