Lugo, 12 de xullo de 2021. O goberno provincial sufre unha parálise evidente. Pódese comprobar en distintos ámbitos da xestión, pero moi concretamente no mantemento da rede viaria da Deputación. Agora que Pedro Sánchez recoñece pola vía dos feitos que moitos dos seus ministros foron ineficaces, é un bo momento para que o presidente da Deputación, José Tomé, acometa unha remodelación do seu goberno e faga cambios nas delegacións, empezando pola de Vías e Obras, cuxa falta de eficiencia está sobradamente comprobada. Así o sinala o portavoz popular, Javier Castiñeira: “ Despois de case dous anos parece que Sánchez recoñece a ineficacia dos seus ministros para xestionar os asuntos importantes, que afectan a todos os lucenses, e decidiu remodelar gran parte do seu equipo; non sabemos como vai resulta iso. Pero o certo é que aconsellamos ao presidente da Deputación, señor Tomé, que tome nota e faga o mesmo, porque a situación na Deputación de Lugo é parecida ou peor”.
En opinión de Castiñeira, “a Deputación precisa cambios, porque toda a provincia sabe que o delegado de Vías e Obras, José Tomé, está ausente e de aí vén gran parte dos problemas”. A este respecto, o portavoz popular di: “Todas as semanas hai queixas veciñais, que non son atendidas por ninguén, e botamos en falta ao señor Tomé. Hoxe son os veciños da Veneira en Brollón, e os de Uriz, en Begonte, os que protestan. Todas as semanas son moitas as asociacións que demandan arranxos nas vías provinciais”.
Castiñeira di: “Pedímoslle a Tomé que promova cambios e especialmente en Vías e Obras. Xa llo pedimos hai varios meses. O malo é que Tomé non confía no seu equipo e parécelle que todo ten que pasar por el, o cal nos está a levar a unha Deputación egocentrada, na que incluso os seus socios de goberno (BNG), son incapaces de esixirlle cambios. Sabemos de alcaldes do BNG que non entenden como a Deputación ten as estradas como están”.
Os populares avisan a Tomé de que “non se durma porque en calquera momento terá aos rexedores do BNG petando cos cascos nas portas de San Marcos”, como fixeron eles recentemente para denunciar o mal estado das vías provinciais.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
