Viveiro, 28 de xullo de 2021. O Concello de Viveiro será a primeira parada do programa gastronómico e lúdico “Saborea a túa provincia”, posto en marcha pola Deputación de Lugo co obxectivo de promocionar e incentivar o consumo dos produtos locais de calidade e dinamizar a economía dos municipios para acelerar a recuperación tras a pandemia.
O programa presentouse onte no pazo de San Marcos, nun acto de demostración que incluíu o reparto de produtos gastronómicos, sorteos e actuacións. O evento contou coa asistencia da alcaldesa de Viveiro, María Loureiro, ademais do presidente provincial, José Tomé Roca; deputados e deputadas provinciais, así como alcaldes e alcaldesas doutros municipios incluídos no programa.
As xornadas recalarán este sábado, 31 de xullo en Viveiro, como primeira parada, entre os nove municipios previstos no programa. As actividades, todas elas gratuítas, desenvolveranse nos Xardíns de Noriega Varela dende ás 11:30, hora prevista para a apertura da xornada.
A continuación, entre as 12:00 e as 13:30 realizarase unha demostración e degustación culinaria a cargo da Asociación Provincial de Cociñeiros de Lugo. Está prevista a elaboración de merluza de Celeiro salgada e curada con vizcaína dos seus callos a cargo de Michel Cociña, do restaurante Fumieiro (Covas).
Entre as 12:00 e as 14:00 programáronse varios obradoiros de cociña dirixidos á infancia. Ademais, dende as 13:30 realizarase unha actuación musical dunha hora de duración, a cargo de Tempus Fugit.
Durante a tarde, ás 17:30 está prevista unha charla informativa sobre o porco celta con Aida Sáez Acosta, técnica veterinaria da Asociación de Criadores de Gando Porcino Celta. Doutra banda, o Mago Rafa actuará ás 17:30 co seu espectáculo de maxia.
Os asistentes ás actividades poderán participar nun sorteo de produtos de proximidade da provincia de Lugo que se celebrará ás 19:00. Ademais, ás 19:30 está prevista a actuación musical do grupo Atlántica.
Por último, a xornada pecharase cunha degustación de produtos de proximidade ás 20:00.
As actividades desenvolveranse nun espazo con control de aforo, pero non será necesario reservar previamente. O aforo do evento será limitado a 50 persoas dentro do recinto para cada actividade, 20 persoas no obradoiro de cociña para a infancia e ata 100 persoas na degustación. Todas as actividades do programa organizaranse atendendo ós protocolos sanitarios vixentes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
