Burela, 1 de xullo, 2021. Despois de nin máis nin menos que 9 tempadas o camiño Jorge Valhermoso Matamoros sepárase do 10 laranxa. O pivote madrileño, de 36 anos, non continuará nas filas do Pescados Rubén Burela FS tras a finalización do seu contrato no día de onte.
A calidade, profesionalidade e visión goleadora de Matamoros reinaron ao longo de todo este tempo na Mariña. Xuntos, da man, Pescados Rubén Burela e Mata, como referente na capitanía, viviron de todo: momentos delicados e tristes, pero tamén as mellores alegrías do equipo tanto en Primeira como en Segunda, e sobre todo momentos irrepetibles, desde o hattrick da súa estrea de laranxa en 2013 ata o seu último gol, de cabeza, ante El Ejido, na recente fase de permanencia da mellor liga do mundo.
Definitivamente, o teu co balón é outra historia. Alá a onde te leven os teus novos retos seguirás brillando coa túa maxia.
Moita sorte, Mata!
Despedida de Matamoros:
Hai 9 tempadas que cheguei a un club que me acolleu cos brazos abertos, cunha afección única que me fixo sentir especial e unha que xente que me arroupou desde o primeiro día. Recordo o meu primeiro partido co Burela, foi incrible, volvinme ilusionar coa miña profesión.
O fútbol sala apaixóname e estou realmente agradecido ao Burela por confiar en min todos estes anos e poder demostralo o mellor que sei facer.
Cheguei a Burela cheo de incerteza, sen saber se me adaptaría… E mira o que son as cousas: botei raíces, medrou a familia, fixen boas amizades e sentinme un galego máis.
Defender a camiseta laranxa foi unha honra, forma parte de min; e non só da miña traxectoria profesional senón da miña historia persoal. Aquí, en Burela, pasei uns dos mellores anos da miña vida pero tamén os peores e sempre estarei infinitamente agradecido ao club, tanto á directiva como ao corpo técnico, por coidarme e apoiarme, por facerme sentir querido.
Sinto bastante tristeza ao ter que separar o camiño que me une a Burela, pero tamén entendo que todo ten un final. Só podo desexarlle a mellor das sortes a un club que me deu tanto.
Agradezo a compañeiros, adestradores, a todos os traballadores do club, directiva, á Familia Laranxa e a todos os que me apoiaron ao longo destes anos. E por suposto tamén teño que dar as grazas á familia, sobre todo á miña muller e ao meu fillo, polo seu apoio, comprensión e paciencia.
Moitas grazas por todo,
Matamoros
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
