Ribadeo, 2 de agosto de 2021. A Xunta de Galicia destina máis de 59.000 euros a catro asociacións de veciños de Ribadeo para o acondicionamento e equipamento dos seus respectivos locais sociais a través dun programa de axudas da Vicepresidencia primeira e Consellería de Presidencia, Xustiza e Turismo.
O delegado territorial de Lugo, Javier Arias, mantivo hoxe unha xuntanza con representantes das entidades beneficiarias, as asociacións de Cubelas, Cinxe, O Cantal e Virxe de Vilaselán, e destacou o papel fundamental que xoga o movemento veciñal na dinamización social e cultural de barrios e pobos, especialmente no ámbito rural. “A Xunta habilita estes apoios para contribuír a ese labor, que mellora a calidade da vida local”, apuntou.
A xuntanza tivo lugar nas antigas escolas de Vilaselán, que actualmente utilizan os veciños e veciñas da parroquia. A asociación dispón dunha axuda de 12.400 euros para arranxar as ramplas de acceso para persoas con mobilidade reducida, reparar a cuberta, adquirir mobiliario, repintar paramentos interiores, acondicionar a iluminación e mellorar a calefacción das aulas para cursiños.
As entidades de Cubelas e O Cantal obtiveron a contía máxima de 17.000 euros cada unha -12.000 para obras e 5.000 para equipamento- que destinarán a actuacións como a eliminación de barreiras arquitectónicas e a mellora das dotacións. Pola súa banda, a asociación de Cinxe recibe 12.750 para actuar sobre a accesibilidade, cambiar fiestras e pintar o exterior do local social.
Este programa de achegas está destinado tamén a comunidades de usuarios de augas e asociacións de mulleres rurais de Galicia, sempre que estean debidamente inscritas no rexistro público correspondente. O obxectivo é mellorar os inmobles da súa titularidade -ou dos cales lles corresponda o dereito de uso- así como as traídas de auga veciñais, e fomentar a participación veciñal e a cohesión social.
Pola súa banda, o portavoz do Grupo Municipal Popular de Ribadeo, Daniel Vega, destacou “o traballo conxunto coas asociacións do rural do municipio que, a través de axudas da Xunta, poderán mellorar as escolas das súas parroquias”. Así, a Xunta achega 17.000 euros para a mellora da escola de Cubelas, outros 17.000 euros foron concedidos á asociación de veciños de Rinlo, a asociación da Rochela recibirá 12.750 euros e 12.423 serán achegados á asociación de Vilaselán para acometer distintas melloras. En tódolos casos, as axudas tamén servirán para dotar de medios aos locais sociais destas parroquias.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
