Viveiro, 2 de agosto, 2021. Aos poucos vemos a luz ao final do túnel, e este verán, a pesar da situación na que vivimos, demostrouse que a cultura é segura con centos de concertos celebrados por todo o país e sen incidencias. Por iso, grazas ao Xacobeo 2021-22, á Deputación de Lugo e ao Concello de Viveiro, traeremos os primeiros artistas internacionais do metal a España tras a pandemia.
En colaboración coas autoridades, decidimos organizar un pequeno Resurrection Fest Estrela Galicia este verán chamado Limited e de aforo moi reducido (en comparación ao que estamos habituadxs) para que podamos vivir de novo concertos dunha maneira segura tras estes anos de seca. Así, este evento servirá como estímulo para a economía local que tanto sufriron durante todos estes últimos meses, sendo un reforzo moi necesario para a nosa localidade, Viveiro, e a súa xente, que tanto nos dá cada ano, e tamén para todo o persoal, autónomos e outras pequenas e medianas empresas que fan posible o festival.
Serán tres días de concertos, do 26 ao 28 de agosto, no recinto de sempre, o Campo de fútbol de Celeiro. Baixo o abanico do Xacobeo 2021-22, contará con todas as medidas de seguridade e prevención posibles seguindo a lexislación vixente actual e sempre atendendo á situación epidemiolóxica na que nos atopemos nese momento. Esas medidas serán público sentado, aforo reducido, distancia social, máscaras, desinfección e, por suposto, co aliciente do bo facer do noso público, sempre respectuoso en todo momento.
Teremos grandes artistas internacionais de diferentes estilos e que nos pedides moito cada ano, e ademais, bandas nacionais e galegas moi queridas que non dubidaron en vir a Viveiro unha vez máis. Aquí a listaxe:
Kreator
While She Sleeps (único concierto en España)
Eluveitie
Jinjer
Destruction
The Ocean
Angelus Apatrida
Crisix
No Turning Back
Landmvrks
Bala
Devil In Me
Aphonnic
True Mountains
Bellako
Os abonos de 3 días poderán comprarse este venres 6 de agosto a un prezo especial de oferta que indicaremos nos próximos días e iremos respondendo a todas as vosas dúbidas tanto na nosa web como nas redes sociais.
Á súa vez, para quen non poida asistir e tras o éxito da anterior edición, realizaremos un Resurrection Fest En liña en datas futuras ao festival do cal informaremos máis adiante. Dese xeito, tanto os asistentes como os non asistentes poderán gozar do mesmo.
Gustaríanos reiterar as grazas ao Concello de Viveiro e aos veciños de Viveiro por facer isto posible, e mentres, lembrade que isto será un evento exclusivo para moi pouca xente. Marcade estes tres días fortemente na axenda e demostremos que a música en directo pódese facer e que é segura. Vémonos alí!
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
