A Fonsagrada, 19 de agosto de 2021. O voceiro popular da Fonsagrada, Jose Regueiro, vén de instar ao goberno local a solicitar á Xunta de Galicia as axudas que a Xunta dirixe aos concellos para a adquisición de vehículos alternativos, mediante o sistema de renting, con destino aos corpos de policía local.
“Tendo en conta que o actual vehículo co que conta a Policía Local no noso municipio está totalmente desfeito”, Regueiro considera unha boa oportunidade para o Concello solicitar esta axuda do Goberno galego financiada polo Fondo de Compensación Ambiental.
O popular explica tamén que “esta iniciativa permitiría dotar ao noso concello de medios adecuados para o exercicio das funcións dos corpos de seguridade. Ademais de renovar os medios, a modalidade de renting permítelle á administración local reducir o gasto pola adquisición dun novo vehículo favorecendo, polo tanto, o cumprimento da regra de gasto”. Non esquece o popular que “os vehículos alternativos, híbridos ou eléctricos contribúen na redución de dióxido de carbono”, polo que constitúen “un exemplo próximo de mobilidade sustentable”.
Máis efectivos
Regueiro demanda tamén que o Concello “dote de máis efectivos ao corpo da policía local da Fonsagrada que na actualidade non conta con ningún axente en servizo ante a situación de baixa laboral do axente incorporado trala xubilación dos dous anteriores policías locais”.
O popular critica que “o goberno local non dote de máis efectivos e, polo tanto, non se estea a prestar o servizo no municipio. Hai moito traballo pendente”, segundo sinala Regueiro.
Entre as tarefas que viña realizando a policía local na Fonsagrada, ademais da vixilancia á entrada e saída dos centros escolares, atópase o control do tráfico que agora no verán co incremento de poboación se volve “un descontrol”.
“Outro dos traballos da policía local que están a botar en falta os veciños é a revisión das pistas forestais sobre as que emitía informes en relación ao seu estado, especialmente daquelas afectadas pola saca de madeira”, explica o popular que descoñece “quen se está a encargar dese labor”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
