Foz, 27 de setembro de 2021. A Escola de Música de Foz vive a peor crise da súa historia e o goberno local móstrase incapaz de buscar solucións. Diante desta situación, o portavoz municipal do PP, Javier Castiñeira, anuncia que o seu grupo defenderá no pleno do mércores unha moción de urxencia para tratar de solucionar os problemas da Escola de Música”. Ao mesmo tempo, Castiñeira desenmascara a actitude hipócrita que mantén o Bloque neste asunto. Sinala: “Son problemas dos que o BNG tamén é parte, porque forma parte do equipo de goberno dende o inicio do mandato; cos votos dos seus tres concelleiros saíu elixido alcalde o señor Cajoto, do Partido Socialista. O BNG e o PSOE teñen un pacto de goberno bipartito en Foz. O BNG ten dous concelleiros, dos tres que ten na corporación, que forman parte do equipo de goberno con responsabilidades varias”. Os populares, na moción, instan ao goberno a solventar o problema e deseñar un proxecto viable para a Escola de Música para os próximos anos.
Castiñeira deixa claro que “o BNG non pode esconderse e tirar a pedra; é parte do problema da Escola de Música”. Di que “non é un problema de agora; é de hai seis meses”. Manifesta: “O BNG xa tivo tempo de esixir ao señor Cajoto que se reunira con Felipe Sánchez, coa AMPA e os grupos da oposición. Agora igual dende o goberno xa é tarde. En todo caso, o que non pode facer o goberno, en concreto o BNG, é querer facer oposición das súas propias accións”.
Os populares non admiten “nin a demagoxia nin a hipocrisía política por parte do BNG de Foz” e esixen solucións. Castiñeira di: “Farémolo no próximo pleno e se o BNG ten verdadeira vontade de solucionar o problema aprobará a moción do Partido Popular, instando a que o equipo de goberno solucione canto antes este problema e propoña un proxecto viable para os próximos anos na Escola de Música, na que se conte tanto con Felipe Sánchez como co resto dos profesores da Escola”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
