Ribadeo, 1 de outubro de 2021. A mediados de outubro dará comezo o novo obradoiro de emprego, que lle foi concedido ao Concello de Ribadeo. Denomínase Prepara o teu camiño. Terá unha duración de nove meses e formará a 20 persoas en situación de desemprego maiores de 18 anos. As interesadas xa poden dirixirse á Oficina de Emprego de Ribadeo para poder solicitar a súa participación neste programa.
O concelleiro de Desenvolvemento Local, Pablo Vizoso, declarou que “un novo obradoiro de emprego foi concedido recentemente ao Concello de Ribadeo pola Consellería de Emprego e Igualdade dentro do marco da xestión de Fondos Europeos destinados á formación e á incorporación ao mercado laboral das persoas desempregadas. Este proxecto, que denominamos Prepara o teu camiño, créase coa finalidade de promocionar o Camiño de Santiago ao seu paso por Ribadeo. A promoción vai consistir na creación de produtos audiovisuais e multimedia como o deseño dunha aplicación para móbiles para distribución e a comercialización do paquete de servizos e de produtos pensados e deseñados especificamente para os peregrinos, denominado Ribadeo prepara o teu camiño, que se verá complementada cunha páxina web e co desenvolvemento tamén de produtos audiovisuais”.
O edil ribadense explicou que “as actividades darán comezo a mediados de outubro e terán unha duración de nove meses, polo que o Concello de Ribadeo realizará a contratación de 23 persoas, concretamente 20 para os postos de traballo de alumnado-traballador, 2 para o traballo docente e 1 posto para o persoal de dirección e coordinación do obradoiro. Impartiranse as materias especificas dos certificados de profesionalidade de desenvolvemento de produtos audiovisuais multimedia interactivos e de xestión de márketing e comunicación. O alumnado que se seleccione recibirá, por unha banda, formación teórica e por outro lado será combinada tamén con formación práctica e profesional para acadar os obxectivos que nos marcamos neste obradoiro”.
Vizoso Galdo engadiu que “o proxecto vai permitir que 20 persoas, que actualmente están en situación de desemprego e que son maiores de 18 anos, adquiran formación e destrezas profesionais para incrementar no futuro as súas posibilidades de acceso, en mellores condicións, ao mercado laboral. Ao tratarse as dúas especialidades impartidas de certificados de profesionalidade de nivel 3, os alumnos e alumnas deberán contar cun nivel formativo mínimo de acceso equivalente a bacharelato, ciclo medio, ciclo superior ou similar, ou ben ter superadas as probas de competencias clave do nivel 3. Polo tanto, aquelas persoas que estean interesadas en formar parte deste novo obradoiro deberán dirixirse á Oficina de Emprego de Ribadeo para poder solicitar a súa participación na selección deste programa”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
