A Mariña, 5 de outubro de 2021. Por terras de Trabada discorrerá o vindeiro sábado, 9 de outubro, a segunda andaina de A Mariña en Ruta. A iniciativa está organizada pola Mancomunidade de Concellos, coa colaboración da Xunta de Galicia e da Deputación de Lugo, para axudar á dinamización da comarca no outono.
Para a ruta do vindeiro sábado as 25 prazas ofertadas están a piques de esgotarse. Unha vez se completen abrirase lista de agarda. Boris Vilar será o guía que acompañe aos asistentes por Trabada, unha viaxe ao pasado.
Desde a Mancomunidade de Concellos da Mariña fan un balance positivo da primeira ruta deste 2021, que tivo lugar o pasado domingo, xa que se completaron tamén as 25 prazas. A ruta A Berrea, camiñando entre cervos permitiulles aos asistentes coñecer lugares repletos de natureza entre os concellos de Alfoz e Mondoñedo, pola contorna de Fraga Vella. Alí Pedro Rolle achegou aos camiñantes ao mundo dos cérvidos e as súas costumes. Tras unha interesante explicación emprenderon camiño na busca de cervos, aos que tiveron a sorte de ver ao final do percorrido. As impresionantes vistas do val, as fragas, os cabalos e as primeiras cores do outono regaláronlles unha preciosa experiencia neste territorio.
As rutas terán lugar os sábados de outubro, novembro e decembro, agás a primeira, que foi o pasado domingo. Terán unha duración de 2 a 3 horas e poderán participar en cada unha un máximo de 25 persoas mais a/o guía. O prezo será de 5 euros (individual), 8 euros (parella) e 12 euros (familiar ou grupo de ata 5 membros). As persoas interesadas en gozar de A Mariña en Ruta poden atopar toda a información e facer a reserva de prazas en https://amarinalucense.gal/es/a-marina-en-ruta.
Burela o 16 de outubro, A Pontenova o 23 e Riotorto o 30 deste mes serán os vindeiros destinos de A Mariña en Ruta.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
