A Mariña, 18 de outubro de 2021. A Mancomunidade de Concellos da Mariña Lucense, baixo o convenio asinado coa Axencia de Turismo de Galicia e coa colaboración da Deputación de Lugo para a súa promoción, organiza as III Xornadas de Portas Abertas das Rutas de Artesanía, que se desenvolverán as fins de semana do 29 ao 31 de outubro e do 12 ao 14 de novembro. Nesta ocasión estarán destinadas aos profesionais do turismo, da hostalería e do comercio da comarca, das axencias de viaxes e dos centros educativos de Galicia así coma ao público e xeral.
Desde a Mancomunidade o seu presidente, Fran Cajoto, lembrou que “se trata dunhas xornadas con actividades gratuítas para os participantes que se organizan por terceiro ano consecutivo da man dos artesáns da comarca que conforman as Rutas de Artesanía da Mariña Lucense, que nunha primeira edición se dedicaban ao público en xeral, ao seguinte ano a Mancomunidade xunto aos artesáns decidía dedicalas especialmente aos profesionais do turismo, hostalaría e comercio locais, axencias de viaxes e centros educativos de Galicia e nesta terceira edición ábrense de novo a todos eles: público xeral, sector turístico e educativo”.
Cajoto subliñou que “o obxectivo, por un lado, é que os profesionais do territorio e en contacto co turista poidan coñecer de primeira man esta iniciativa para logo recomendala aos visitantes, e por outro que as axencias decidan incluíla entre a súa oferta turística e debido ao seu poder didáctico os profesores e profesoras dos centros educativos poidan coñecer esta iniciativa para ofertala ao alumnado en saídas e excursións. Ademais, queremos que o público xeral siga contando con esta oportunidade e participando nesta experiencia”.
A axente de Desenvolvemento Turístico da Mancomunidade, Tania Hermida, explicou que “as III Xornadas de Portas Abertas discorrerán por parte dos 6 itinerarios turísticos propostos que conforman as Rutas de Artesanía da Mariña Lucense e inauguraranse o 29 de outubro na Pontenova coa visita ao taller de Rodil, ferreiro participante deste municipio, cunha visita guiada da man do técnico de turismo municipal Carlos Morado. As Xornadas de Portas Abertas continuarán durante os días 30 e 31 de outubro, 12, 13 e 14 de novembro en Mondoñedo, Viveiro, Burela, Cervo e Foz”.
O día 30 deste mes será a quenda de Mondoñedo, cun percorrido polo barrio artesán por excelencia, o dos Muíños, con visita este ano aos monicreques de Ton Arenas, ao obradoiro de La Botica del Abuelo e ao centro histórico da cidade coa Audioguía Ficcionada Mondoñedo e Familia. O domingo a iniciativa chegará a Viveiro coa visita ao ceramista Otero Regal e á exposición permanente antesala dun museo no casco histórico de Viveiro.
O 12 de novembro a iniciativa seguirá en Burela coas redeiras Cabo Burela, colectivo que mantén vivo este tradicional oficio, e a visita ao Barco Museo Reina del Carmen, antigo boniteiro que o Concello recuperou para convertelo nun espazo de recuperación da cultura mariñeira e de atracción turística no porto máis importante de España na pesca e comercialización do bonito. O día 13 as Xornadas de Portas Abertas chegarán a Cervo coa visita ao estaleiro de carpintería de ribeira de Francisco Fra, con mais de 200 anos de historia, e ao Museo Provincial do Mar. As xornadas rematarán o 14 de novembro en Foz coa visita ao artesá e artista plástico Daniel Caxigueiro e ao seu espectacular xardín botánico, un percorrido pola Basílica de San Martiño de Mondoñedo ou pola fervenza de Santo Estevo do Ermo en Barreiros no caso de que non sexa posible a visita á primeira. Todas as visitas correrán a cargo de Noela Feal, que é guía oficial de Galicia e artesá.
As actividades son gratuítas e inclúen a visita a un ou dous obradoiros e ás propostas complementarias. Para participar é preciso reservar en turismo@amarinalucense.gal ou no teléfono 636.737.608, xa que as prazas son limitadas.
Tania Hermida engadiu que “as Rutas de Artesanía son itinerarios turísticos nos que o visitante pode adentrarse no oficio do artesán e desfrutar dos valores naturais, culturais e gastronómicos da localidade onde se sitúan e da súa contorna próxima. Así os visitantes poden realizar as Rutas de Artesanía de forma autónoma guiándose pola recomendacións facilitadas na nosa web e na guía das Rutas de Artesanía, na que como cada ano estamos traballando para a súa actualización e que estará dispoñible no mes de novembro”.
As persoas interesadas atoparán mais información en amarinalucense.gal na sección Rutas de Artesanía.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
