Burela, 24 de outubro, 2021. O Pescados Rubén Burela FS non puido celebrar o seu regreso a Vista Alegre fronte a un Córdoba Patrimonio de la Humanidad moi efectivo (1-4). Os de Riquer acusaron o cansazo no terceiro partido en tan só unha semana, faltoulles frescura e un pouco máis fortuna nos últimos metros, que só puideron culminar na recta final co penalti de Iago Míguez. “É un marcador duro para o que podiamos sacar. Penalizounos moito, co partido moi igualado, con dúas accións demasiado doadas para Córdoba. Nós xeramos moito, con moitas transicións, e non castigamos ningunha. Tan só puidemos marcar de penalti e deberiamos castigar para poder ter un partido máis igualado”, reflexionaba o técnico burelista.
Miguelín adiantou os andaluces nun córner de Perin, con bloqueo laranxa no primeiro pau, antes de chegar ao ecuador do primeiro acto. O 11 cordobés xa buscara o gol minutos antes tentado roubar en primeira liña. O máis incisivo ata o momento nas filas laranxas fora Pazos. O traveseiro evitou o segundo visitante no 16 e coa súa quinta amarela, Pescados Rubén foi in crescendo, o goteo incesante de ocasións inaugurouno Pazos no conxunto galego en contraataqque, ao que deron continuidade con constantes perigos Iago Míguez, Quintela e Levi. Cando máis o merecía o Pescadso Rubén, Zequi subiu o segundo a 52 segundos do descanso, cunha saída pola banda de Shimizu. Os burelistas non deixaron de buscar a rede de Cristian; a punto estivo de reducir Quintela a tan só 8 segundos da bucina.
Con 0-2, os laranxas saíron moi ben na segunda parte, convencidos de que podían facerse co encontro e de novo xusto cando apenas había intervencións de Edu, chegou o premio para Córdoba na estratexia, con novo acerto de Zequi desde saque de esquina. Restaban máis de novo para o final e en dous máis Riquer apostou por xogo de cinco con Levi. O Córdoba atopou o cuarto, no 36, cun pase longo do meta que rozou coa cabeza Ricardo ante a saída de Edu, recompensa en exceso para os andaluces. Non cesaron no seu empeño os galegos, con porteiro xogador. Iago Míguez subiu o 1-4 para os mariñáns a través da pena máxima a un e medio do final.
Ficha técnica
Pescados Rubén Burela FS: Edu, Iago Míguez, Isma, Renato, David Pazos, cinco inicial; tamén xogaron Quintela, Wanderson, Lucho, Levi, Nito
Córdoba Patrimonio de la Humanidad: Cristian, Shimizu, Viana, Miguelín, Caio, cinco inicial; tamén xogaron Jesulito, Pablo do Moral, Zequi, Ricardo, Perin, Ismael
Goles: 0-1, minuto 9, Miguelín; 0-2, minuto 20, Zequi; 0-3, minuto 31, Zequi; 0-4, minuto 36, Ricardo; 1-4, minuto 39, Iago Míguez (penalti)
Árbitros: Peregrino Ambrosio // Santander Flamarique. Por Burela amarela para Wanderson (minuto 15), Renato (minuto 23), Isma (minuto 28), Levi (minuto 33). Por Córdoba amarela para Shimizu (minuto 14), Miguelín (minuto 27), Prieto (minuto 39), dobre amarela para Pablo do Moral (minutos 30 e 39)
Incidencias: Partido correspondente á xornada 3 de Primeira Masculina disputado en Vista Alegre.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
