Viveiro, 1 de outubro, 2021. O barrio da Pontelabrada é un dos máis populosos e vivos do noso concello e ten ademais unha importante actividade comercial. Conta tamen cunha importancia patrimonial, ubicándose na contorna da Igrexa de San Francisco e é porta de entrada ao Casco Histórico de Viveiro. Sen embargo, este barrio atópase esquecido provocando un deterioro progresivo que está a avivar as queixas veciñais.
Como xa foi denunciado polo BNG en 2017, no corazón desde barrio atópase dende fai anos o edificio do Serra, en estado de abandono, que supón un perigo para a seguridade e salubridade dos veciños e veciñas, ademais do impacto estético que supón. En todo este tempo, o goberno municipal de Viveiro foi incapaz de facer cumprir as obrigas de seguridade e ornamento das edificacións.
Na zona de Campo de Urraca, que ademais é o acceso ao apeadeiro de FEVE e punto de inicio da Ruta da Auga, atópase o lavadoiro da Pontelabrada, restaurado en 2003, en estado semirruinoso dende a riada de 2018. Xa non se trata únicamente dun problema de estética, é utro insulto ao patrimonio de Viveiro, un auténtico perigo con numerosos elementos soltos e coa boca da canalización do río sen protexer.
Que dicir da estrada a Campo de Verdes, baixo a ponte de FEVE, onde foi necesario aumentar o gálibo para as obras do Edificio “Las Palomas” fai case 15 anos. Deixouse un talude de terra e pedras soltas, cunhas barras de aceiro corrugado chantadas coa función de quitamedo. Tendo ademais que convertir unha zona peonil en paso para vehículos, que atravesa o pequeno parque que alí existe. E todo segue igual, ou peor, xa que no parque nada queda das plantas que florecían en primavera e incluso perdendo algunha das árbores que alí había. E todo isto se, por sorte, podes aturar sentarte nun banco co cheiro dos contedores de lixo soterrados, cun pésimo mantemento e limpeza.
Desapareceu tamén a pista da Casa da Xuventude, convertida nun cadrado do musgo ao pé da espectacular ábsida San Francisco. Foi punto de encontro de rapaces e rapazas fai uns poucos anos, lugar de torneos de verán, de actividades e de xogos. Nada queda.
Por desgraza, somos conscientes de que o abandono e desleixo non é unha cuestión que afecte únicamente ao barrio da Pontelabrada. Mais, ante o exposto anteriormente, preguntamos:
. Está o Goberno Municipal ao tanto destas problemáticas? Se é así, por que non actuou e permitiu o deterioro do barrio da Pontelabrada?
. Ten previsto o Goberno Municipal algunha actuación ante os problemas expostos anteriormente, ou noutros que considere oportunos e afecten a este barrio? Cales son? Que prazos manexa?
. Sendo o deterioro dos barrios algo común no noso voncello, ten o Goberno Municipal prevista algunha actuación para mellorar e adecentar os barrios do noso concello?
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
