Lugo, 24 de outubro de 2021. O Grupo Socialista na Deputación de Lugo defenderá no vindeiro pleno Ordinario, que terá lugar o vindeiro martes, unha moción para reclamar ao Goberno de Feijóo a dotación de fondos, así como un plan de execución para os proxectos pendentes da Xunta na provincia de Lugo.
Presentamos esta proposta de Goberno “como reacción ante a soberbia e a ineficacia dos Gobernos de Feijóo coa provincia de Lugo, xa que un ano máis volve elaborar uns orzamentos sen ter en conta as necesidades dos concellos, e o mais importante, sen escoitar ós alcaldes e alcaldesas da nosa provincia. Este ano, como tódolos anteriores, os orzamentos volven ser os máis grandes acadando unha cifra récord segundo a propaganda política que nos anuncian, pero baleiros da vontade política para executalos”, advirten.
“Lamentablemente comprobamos novamente que as contas de Feijóo na nosa provincia seguen sen rematar ningún proxecto, sen atraer empresas, sen melloras nos salarios ou nas pensións dos galegos e sen crear prazas de gardería ou de residencias”, denuncian.
Os orzamentos de Feijóo non contribúen ao avance da provincia
Así mesmo, na iniciativa plenaria, o PSdeG solicita que o Goberno da Xunta “teña en conta as reclamacións formuladas dende á administración local á hora de elaborar os orzamentos autonómicos, tomando como base as emendas presentadas polos grupos da oposición no Parlamento”.
Na moción, o Grupo Socialista pide á Xunta “a dotación orzamentaria para os grandes proxectos pendentes na provincia de Lugo, con especial atención ás infraestruturas (como por exemplo a Vía de Alta Capacidade da Mariña; as obras relacionadas co subministro de auga, o Porto Seco de Monforte, a Ronda Leste de Lugo ou o Museo da Romanización, entre outros), os servizos públicos (a recuperación de cadros de persoal e especialidades no conxunto da rede provincial do Sergas; o mantemento do profesorado en niveis similares ós do curso escolar 2020/21) ou o desenvolvemento industrial”.
Polo tanto, o PSdeG solicita ao Goberno galego “un compromiso de execución que impulse o avance real dos proxectos e evite que estes queden convertidos en meras cifras que se repiten no papel ano tras ano, sen contribuír ao avance da provincia”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
