Lugo, 12 de novembro de 2021. A Deputación de Lugo pechou este venres o programa de viaxes gratuítas Coñece a túa provincia, do que, nesta primeira tempada, beneficiáronse máis de 1.200 persoas dunhas 60 asociacións e colectivos lucenses. As viaxes, que comezaron o pasado 14 de setembro, forman parte do Plan de Impulso da Economía da Deputación de Lugo co obxectivo de contribuír á recuperación do turismo, da hostalería e do comercio local fronte ao impacto da pandemia.
A Deputada de Réxime Interior, Promoción do Territorio e Turismo, Pilar García Porto, valorou esta primeira edición e destacou o interese mostrado polas entidades lucenses. Así mesmo, destacou que “a xente que participou valorou moi ben a organización, os itinerarios e o desenvolvemento das viaxes, polo que dende logo estamos satisfeitos e convencidos de repetir o vindeiro ano”.
García Porto sinalou que “como xa lles viña dicindo a todas as agrupacións que coñecín durante estes case dous meses, espero poder ver a moitas máis na seguinte convocatoria e que outras novas se animen a participar e descubrir a nosa provincia, porque temos moito que ensinar”.
“Sempre haberá cousas que mellorar, pero creo que este modelo funciona e cumpre cos obxectivos cos que o organizamos: facer comunidade, favorecer que os nosos veciños coñezan a súa propia provincia, o seu entorno máis próximo e, con iso, dinamizar a actividade do turismo, da hostalería e do comercio”, destacou García Porto.
Os beneficiarios destes itinerarios percorreron o patrimonio natural, histórico, cultural e gastronómico da provincia de Lugo, ademais de visitar instalacións da institución provincial, como o Pazo de San Marcos, o Mazo de Santa Comba ou a Granxa Gayoso Castro, entre outras. A Asociación de Xogos tradicionais de Muimenta (Xotramu) foi a última entidade en participar nesta primeira edición cunha visita que comezou nas instalacións da Produtora de Audiovisuais da Deputación para despois coñecer o concello do Saviñao.
As viaxes incluíron o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas foron realizadas por profesionais que contan coa habilitación de guía oficial de turismo de Galicia e polo persoal de atención ao público nos diferentes museos, empresas ou obradoiros sinalados nos itinerarios do programa.
As viaxes tiveron lugar sempre cumprindo coas medidas de prevención da Covid-19 decretadas polas autoridades sanitarias en cada momento.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
