Foz, 5 de novembro de 2021. Hoxe, venres, o Concello de Foz presentou no Centro de Interpretación da Basílica de San Martiño o primeiro punto no que xa se pode selar a credencial e acreditarse como peregrinos para facer o Camiño do Mar.
Na presentación participaron o alcalde de Foz, Fran Cajoto; o concelleiro de Turismo, José María Linares; o presidente de ACIA Foz-CCA, José Carlos Paleo; e o presidente da asociación Amigos do Camiño do Mar, Manuel Vicente.
Fran Cajoto comentou que “o Camiño do Mar xa está recoñecido pola Igrexa e danos esa Compostela ao chegar a Santiago e é en Foz precisamente onde podemos facer esa acreditación, a primeira que hai en todo o Camiño do Mar. Parécenos un impulso moi importante para todo o sector da hostalería e do comercio, para todo o sector turístico, que se recoñeza unha vía de peregrinación a través do noso concello. Ademais esa ruta discorre por todo o norte da provincia de Lugo e da Coruña, A Mariña e Ortegal, ata unirse co Camiño Inglés, que nos leva a Compostela”.
O alcalde engadiu que “a Basílica de San Martiño, ao ser a catedral máis antiga de España, ao ser antigo hospital de peregrinos e discorrer por ela o Camiño do Mar, convértese en elemento principal e fundamental da ruta de peregrinaxe, igual que constitúe outro punto focal San Andrés de Teixido”.
Fran Cajoto indicou tamén que “desde a Mancomunidade de Concellos da Mariña no Plan de Sustentabilidade Turística tamén apostamos fortemente por esta vía de peregrinación como un elemento dinamizador fundamental para o turismo da nosa comarca. Por iso dentro dese plan, que está consignado con 2,25 millóns de euros aportados pola Secretaría de Estado de Turismo, pola Xunta de Galicia e a propia Mancomunidade, reservamos unha partida de máis de 230.000 euros para investir na dinamización do Camiño do Mar. Con ese investimento vaise dispoñer cartografía, arquivos descargables para facer o Camiño a través do gps de dispositivos móbiles, vaise facer a cartelería asociada e unha planimetría axeitada para que todos os peregrinos que queiran facer esta ruta a Santiago o teñan fácil e sinxelo, como corresponde. A idea principal é desestacionalizar o turismo, para impulsar que nos visiten fóra da tempada de verán e un elemento diferenciador, como é un Camiño discorrendo por toda a franxa costeira da nosa comarca, cremos que é a mellor carta de presentación para a reactivación do sector e que consigamos potenciar cada vez máis un turismo tranquilo, slow e de calidade.
O concelleiro de Turismo, José María Linares, explicou que “o primeiro selo do Camiño do Mar xa está no Centro de Interpretación da Basílica de San Martiño a disposición de todos os peregrinos que percorren esta ruta xacobea e que queiran cuñar o seu pasaporte de peregrinación a Santiago para obter a Compostela. Hai tamén pasaportes á súa disposición no propio centro”.
José María Linares engadiu que “o selo é o logo do Centro de Interpretación da Basílica, deseño de Pepe Barro no ano 2018 para a apertura do propio centro. É un elemento recorrente representado na Basílica. Aparece na zona da cabeceira do templo, interiormente tanto nas liñas de imposta do cimborrio como na cornixa de inicio da bóveda de forno da ábsida central ou gran parte dos cimacios sobre os capiteis do transepto. Símbolo de pureza, na simboloxía cristiá fai referencia a María e ás tres follas, como representantes da trindade (o número tres é o número do celeste); evoca, polo tanto, ó Pai, ó Fillo e ó Espírito Santo, que representan o tres piares do cristianismo. Moi ligado á igrexa católica, inflúe, como é lóxico, na simboloxía real, polo que aparece representado na heráldica europea como idea de elección divina. A utilización da cor verde, como símbolo de natureza que rodea o templo, a repetición das liñas vistas no interior, definidas e xeometrizadas, son os elementos que forman o noso logotipo. Polo tanto era moi fácil determinar cal sería o noso selo para o Camiño do Mar”.
Linares destacou que “este é o pistoletazo de saída para todos aqueles que queiran ter no seu pasaporte o selo do Centro de Interpretación da Basílica de Foz no seu percorrido polo Camiño do Mar cara a Santiago. Cada día son máis os peregrinos que preguntan polo Camiño do Mar, polas súas etapas, por albergues, posadas, pensións, casas de comidas ou restaurantes”.
José Carlos Paleo manifestou: “desde AciaFozCCA sumámonos á importancia que supón que Foz sexa unha parte do Camiño como punto de saída. O comercio e a hostalería participarán de forma activa na divulgación do Camiño do Mar, que servirá tamén para desestacionalizar e dar unha maior divulgación da Basílica como referencia turística e que no futuro teñamos máis posibilidades de ter un albergue”.
E o presidente da asociación Amigos do Camiño do Mar, Manuel Vicente, comentou: “felicitar y dar la enhorabuena por la iniciativa de tener sello propio al Concello de Foz, representado en las personas de Fran Cajoto y Chema Linares, por la implicación en la puesta en valor del Camino del Mar a su paso por el municipio de Foz. Agradecer también la presencia de Paleo, representando al ACIA de Foz, ya que son una pieza fundamental en la consolidación del Camino del Mar, siendo embajadores para atender y sellar las credenciales de los peregrinos que lleguen a Foz. A través de una acuerdo de colaboración entre el Concello de Foz y la Asociación del Camino del Mar, la oficina de atención de la Basílica de San Martiño de Mondoñedo dispondrá de credenciales para poder emprender la peregrinación a Santiago de Compostela, haciendo el Camino del Mar, y poder obtener la Compostela”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
