Santiago de Compostela, 9 de decembro 2021. O portavoz de infraestruturas e medio ambiente do BNG, Luís Bará defendeu unha proposición non de lei instando ao goberno galego a negociar co goberno central, no marco da comisión mixta, a transferencia a Galiza da xestión da rede ferroviaria interna, con vistas á creación do Ente Ferroviario Galego, GALTREN destinado a xestionar os servizos convencionais de media distancia e de proximidade.
A proposta do BNG tamén inclúe licitar o contrato de servizos cara a elaboración dun estudo e un anteproxecto de Lei para a creación do Ente Ferroviario galego.
Na defensa da iniciativa, o nacionalista explicou que no ano 2010 a Xunta de Galiza licitou o contrato de servizos para a elaboración da lei necesaria, co fin de crear o ente ferroviario galego cun orzamento de 180.000 euros, supeditado ao desenvolvemento das competencias galegas, así como elaborar e tramitar un anteproxecto de lei que fixase os “fins, funcións, competencias, organización e funcionamento do citado Ente”. Sen embargo, dixo, o concurso foi declarado deserto e en lugar de incoar unha nova tramitación, “o Goberno galego desbotou a idea de crear o Ente Ferroviario Galego”.
Por outra parte, denunciou que a “ Xunta avalou e apoiou o proceso de desmantelamento da rede ferroviaria convencional, suprimindo servizos e pechando estacións que levou a cabo o goberno central a partir do ano 2012”, ademais de mostrarse “condescendente” con feito de que Galiza sexa unha das poucas comunidades do Estado que “non conta con servizos ferroviarios de cercanías”.
Vostedes, dixo, dirixíndose ás bancadas do PP; teñen mala conciencia e son malos manipuladores porque a máxima responsabilidade do abandono do sistema ferroviario de Galiza é “do Partido popular”, concretamente de M.Rajoy e Ana Pastor e lembrou que o propio PP no ano 2009 reclamaba ao estado o impulso das “cercanias gallegas y la Xunta reclama a Fomento su interés por disponer de un tren de proximidad”, e no ano 2012 a Xunta prevía que o tren de proximidade chegaría antes do fin da lexislatura. O PP en Galiza, recalcou Bará, “abdicou de defender os intereses do país e do tren galego”, e así nos foi estes anos.
Ademais lembrou que o PP no ano 2013 aprobou o “plan de racionalización do transporte ferroviario” que consistiu en suprimir “1.800 paradas, 20 estacións e 40 estacións cun só tren ao día” ese foi “o grande mérito do Partido popular”. Un mérito que Román Rodríguez xustificaba afirmando que os recortes tiñan toda a lóxica por razóns orzamentarias, de demanda social e de intereses do servizos. “Grande mérito do PP” ironizou o nacionalista.
Hoxe comprobamos a situación das estacións de Ribadavia, Monforte ou do Carballiño por non falar de Lugo, cun illamento do que é responsable o Partido popular. Lugo, hoxe en día, ten menos servizo ferroviario que Sarria. Vostedes ao principio defendían o sistema ferroviario galego pero “dende Madrid mandaron calar” e agora tamén lles van dicir que ente ferroviario galego non.
O deputado volveu a reclamar a transferencia e financiamento e mesmo anunciou que na votación de mañá, o BNG está disposto a aceptar as diversas emendas propostas polo Partido popular para dar luz verde a iniciativa nacionalista no inicio do trámite parlamentario.
A xuízo do deputado, resulta máis necesario que nunca “abrir o debate sobre a transferencia a Galiza das competencias de xestión da rede ferroviaria interna e do ferrocarril de cercanías” e avogou por elaborar estudos e proxectos con pospostas de viabilidade para a creación da Compañía Ferroviaria Galega, “o GALTREN”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
