Lugo, 18 de decembro de 2021. Os socialistas ratifican a data do 20 de febreiro para celebración do 4º Congreso Provincial ordinario. O comité provincial do PSdeG-PSOE na provincia de Lugo reunido hoxe, aprobou a celebración do congreso para a data proposta pola executiva provincial do 20 de febreiro. Os membros da asemblea deron o seu visto bo mediante a fórmula de asentimento.
A Secretaria Provincial, Patricia Otero, explicou que “propuxemos a data 20 de febreiro co fin de cumprir con tódolos requisitos que marcan os estatutos, e tamén para facilitar a participación de toda a militancia nun proceso tan ilusionante”, avanzou.
Otero agradeceu na súa intervención, diante dos militantes, o traballo e o compromiso de tódolos socialistas lucenses coa provincia, especialmente dos Alcaldes e Alcaldesas e voceiros na oposición, así como o traballo que se realizou dende a Deputación. “Gracias a tódalas compañeiras e compañeiros que co seu traballo e seu esforzo camiñaron comigo ata aquí, neste percorrido difícil pola situación que nos tocou vivir, pero ao mesmo tempo moi gratificante ao poder comprobar que temos un grupo de alcaldes e alcaldesas comprometidos coa veciñanza, e que sen apoio da Xunta estiveron a altura das circunstancias. E onde quero lembrar que as nosas voceiras e voceiros na oposición impulsaron iniciativas e propostas politicas responsables, e en positivo, para mellorar a calidade de vida da nosa veciñanza”.
Remarcou que “o partido socialista esta na rúa, esta ao carón da xente, coas asociacións de veciños, cos traballadores e traballadoras, cos empresarios, cos autónomos, cos gandeiros e cos traballadores do mar. Nesta provincia gobernamos en 31 concellos, e participan na política municipal un total de 272 concelleiros socialistas. 107 mulleres e 165 homes ao servicio da cidadanía, comprometidos coa realidade social, un verdadeiro orgullo”.
A secretaria provincial lembrou que o PSOE conta con “142 anos de historia, é o único instrumento político ao servicio da sociedade capaz de mudar as políticas de recortes, paralizacións e abandono do Goberno de Feijóo con esta provincia. Que ninguén se equivoque en apuntar cos dardos. Esta provincia precisa máis ca nunca dun partido progresista, traballador, coordinado, conciliador, aberto, plural e que estea pegado aos problemas do cidadáns” .
A dirixente socialista dixo “a partir de hoxe abrimos un proceso que renovará os cargos orgánicos da provincia, e todos e todas temos que estar a altura das circunstancias. O vindeiro 20 de febreiro o PSdeG realizará novamente un exercicio de democracia interna, transparente, aberta e plural, como xa acaba de acontecer no congreso coa elección de Valentín González Formoso como novo secretario xeral do PSdeG”.
“Agora chegamos ao 4º Congreso Provincial no que entre todos, debemos garantir que sexa un mandato estable, para que o Partido Socialista afronte durante os vindeiros anos retos electorais claves, así como a recuperación da posición política do PsdeG en Galicia liderada pola nova dirección nacional. E Lugo só poderá facelo estando todos unidos, esa vai ser a nova responsabilidade”, avanzou Otero.
Por último dixo que “co vindeiro congreso pechase unha etapa na que o noso obxectivo principal foi estabilizar o partido en Lugo, e dende esta realidade a nova dirección que saia elixida neste 4º Congreso, deberá impulsar o partido para gañar as vindeiras eleccións. Ese será o noso novo empeño”.
Calendario
Nesta xornada tamén se aprobaron as bases da organización que rexen esta convocatoria congresual. Segundo acordaron o prazo de presentación de precandidaturas á Secretaría Xeral provincial de Lugo será entre o 22 ao 27 de decembro. A recollida dos avais estará habilitada entre o 28 de decembro e o 9 de xaneiro e a campaña de información á militancia será entre o 15 e o 29 de xaneiro. Finalmente o 30 de xaneiro celebrarase a primeira volta da xornada de votación e o 6 e febreiro será a segunda volta.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
