Santiago de Compostela, 3 de xaneiro 2022. O BNG e a Confederación Intersindical Galega (CIG), central sindical maioritaria no País, coinciden no seu rexeitamento á modificación que vén de realizar o Goberno estatal á normativa laboral e que constata a “non derrogación” da reforma laboral do PP e o mantemento dos seus “aspectos máis lesivos”. Así o aseguraron en rolda de prensa a portavoz nacional, Ana Pontón, e o deputado do BNG no Congreso, Néstor Rego, logo da reunión mantida cunha delegación da CIG encabezada polo seu secretario xeral, Paulo Carril, quen tamén se pronunciou neste mesmo sentido.
Así, Pontón asegurou que o Real Decreto aprobado polo Executivo central non só resulta “decepcionante” e “un parche que deixa intacta a reforma laboral do PP”, senón que supón tamén “un compromiso incumprido” e “unha claudicación”, por unha banda, ante “a patronal, que claramente se ve reforzada nesta negociación” e, por outra, “ante os intereses de Bruxelas, a cambio deses fondos Next Generation que finalmente van acabar en mans de catro multinacionais e que non van beneficiar aos traballadores e traballadoras deste País”. “É moi grave que o Goberno que se declara como máis progresista da historia manteña o mesmo despido barato que o Goberno do señor Rajoy e os aspectos máis lesivos desa reforma laboral que supuxo unha perda de dereitos, máis precariedade e menos oportunidades para a xente nova”, recriminou.
Logo de recordar que a derrogación da reforma laboral do PP é un dos “puntos centrais” dos compromisos adquiridos polo Executivo PSOE-Unidas Podemos, asinado ademais en acordos de investidura e con outras forzas políticas como o BNG, avanzou que o Bloque traballará para que o Real Decreto no Congreso se tramite como proxecto de lei co obxectivo de lograr, a través das correspondentes emendas, derrogar integramente a reforma e dar cumprimento a este compromiso coa cidadanía. “Para iso é imprescindible que todas as forzas nacionalistas, soberanistas e progresistas que hai no Estado español con representación no Congreso fagamos unha fronte común para que esta non sexa de novo unha oportunidade perdida e que esta sexa unha lexislatura na que se cumpren os compromisos adquiridos coa cidadanía”, recalcou.
Neste sentido, a líder nacionalista advertiu que o decreto, “anunciado con moita propaganda”, é na práctica “un lavado de cara” que “non soluciona os problemas estruturais que temos no ámbito laboral, nin a perda de dereitos dos traballadores e traballadoras ao longo das últimas décadas, nin a dramática taxa de paro xuvenil, nin os baixos salarios que están facendo que moitos e moitas traballadoras, sobre todo a xente nova, teñan como aspiración ser mileuristas”.
Na mesma liña, o deputado no Congreso, Néstor Rego, asegurou que o decreto aprobado polo Goberno estatal de coalición “vai supor a decepción e a frustración de moitas traballadoras e traballadores que confiaron nas forzas progresistas” e subliñou que “o BNG non está disposto a asumir a non derrogación da reforma”.
Nesta liña, asegurou que estamos ante “unha simple actualización da reforma que mantén os aspectos máis lesivos da aprobada polo Partido Popular”, polo que, segundo destacou, “reclamamos que se tramite como Proxecto de Lei para derrogala de maneira íntegra”. Rego engadiu que existe unha maioría parlamentar -se PSOE e UP están de acordo- que posibilitaría a derrogación e, confirmou que a formación nacionalista está traballando xa na procura dunha fronte común con partidos e sindicatos soberanistas e de clase.
Pola súa banda, o secretario xeral da CIG, Paulo Carril, advertiu que o novo real decreto constata a non derrogación da “brutal reforma laboral” do 2012 e significa levar adiante unha modificación lexislativa onde se quere consolidar “a peor versión posible do que xa era a reforma de 2012”, xa que pivota sobre dous aspectos “claramente negativos”: a conformación dun marco laboral no que o despido “camiña a ser case libre” e no que se pretende crear unha realidade de “permanente temporalidade, precariedade e de eventualidade”, resumiu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
