Ribadeo, 1 de xaneiro, 2022. Rematada a temporada 2021, o atleta ribadense Brais Díaz Salas da un xiro na sua vida deportiva, mediante o cambio de club.
Brais iniciouse como atleta nas Escolas Deportivas Lourenzá da man de Rubén García e Ismaél Vallines, para posteriormente enrolarse na Escola Atlética lucense, pertencendo ó club da capital lucense durante as últimas 4 tempadas.
Tras unha estupenda temporada 2021 en categoría Sub16, onde Brais se proclamou Campión galego de lanzamento de peso, tanto en pista cuberta como aire libre, ademáis de medalla de bronce en lanzamento de xavelina, e logo de ser convocado coa selección galega de atletismo para o campionato de España de autonomías, Brais foi invitado pola Federación galega a participar en adestramentos dirixidos polo ex-atleta olímpico Fran Casaña, adestramentos que se seguen a celebrar en Narón.
Aproveitando esta circunstancia, o Club atletismo Narón fíxolle chegar a Brais o seu interés para que formase parte do seu grupo de atletas na temporada que comeza, co fin de reforzar o plantel co que xa contaba o club.
Este ofrecemento foi de gran agrado para Brais, posto que supón unha gran posibilidade de seguir medrando neste deporte, debido a que o Club atletismo Narón, ademáis de contar cunha excelente estructura organizativa e deportiva, amosa unha gran intención de fomentar o atletismo dende a base ata as categorías máster, contando con atletas suficientes para poder participar nos campionatos nacionales de clubs e individuais.
Dende o 1 de xaneiro Brais forma parte do Club Atletismo Narón, sendo o seu adestrador principal Manuel Polo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
