Lugo, 1 de xaneiro de 2022. Os Orzamentos da Deputación de Lugo para o 2022 entran en vigor este sábado, o primeiro día do ano. O Presidente, José Tomé Roca, cumpre de novo, como vén facendo dende o inicio do mandato, co seu obxectivo prioritario de contar con este instrumento investidor fundamental para toda administración dende principios de ano porque só así “os presupostos son realmente útiles e eficaces para a provincia”.
A Deputación de Lugo dispón para este ano 2022 dun Orzamento de 100M€, o máis alto da última década, que ten como obxectivo seguir mellorando e ampliando os servizos públicos, sobre todo no rural, e continuar apoiando a recuperación económica da provincia, en colaboración cos concellos e co tecido social e económico. Para elo, o Goberno reforza as catro grandes liñas de actuación prioritarias que ten marcadas dende o inicio do mandato: políticas sociais, cooperación cos concellos, apoio aos sectores produtivos e mellora da mobilidade.
A Deputación de Lugo dedica máis dun terzo do total do Orzamento a Políticas Sociais. No 2022 aumenta a consignación un 12% ata chegar aos 34M€, dos cales 10M€ son para os Centros de Atención a Maiores. Das tres residencias que había ao principio do mandato, situadas en Trabada, Ribadeo e Pol, a Deputación pasou ás 7 coas que conta a día de hoxe, porque neste dous anos abriu os centros da Fonsagrada, Castroverde, Pedrafita do Cebreiro e Meira, cos que a Deputación mantén 200 postos de traballo directos. O vindeiro ano, o Goberno prevé poñer en marcha os centros de Navia de Suarna e Ribas de Sil, ademais de continuar traballando noutros proxectos que están marcha, como os da Pontenova, Portomarín, Guitiriz, Becerreá, A Pobra do Brollón, Ourol, Folgoso do Courel ou Ferreira de Pantón, entre outros.
Xunto aos centros de maiores, no Orzamento do ano 2022 contan con dotación de recursos o servizo de Teleasistencia Domiciliaria e o Servizo de Axuda no Fogar, con 2M€, neste caso a través do Plan Único.
Tamén no eido das políticas sociais, o vindeiro ano mobilizaranse 9,4M€ para emprego, un 5% máis ca no 2021.
O principal instrumento de cooperación da institución provincial, o Plan Único, está dotado con 11M€ no Orzamento, que se elevarán ata os 21,5M€ coa incorporación de remanentes, como se fixo ata agora.
En canto ao apoio aos sectores produtivos estratéxicos da provincia de Lugo e a aqueles que máis sofren o impacto da pandemia, a Deputación continuará co Plan de Impulso da Economía da Provincia, destinado a favorecer a recuperación sostible do tecido produtivo fronte ó impacto da crise da Covid con medidas de apoio, promoción e incentivo do consumo.
Suben un 23%, ata os 3M€, as partidas destinadas a accións e proxectos de apoio ao sector primario, entre elas, a Granxa Gayoso Castro, que contará cun orzamento superior aos 1,7M€, un 12% máis que o pasado ano.
Os fondos para turismo suman 3M€ e as partidas vinculadas coa conservación do medio ambiente e o desenvolvemento sostible superan os 4M€, un 20% máis ca no 2021.
O Goberno provincial demostra no presuposto que a mellora da mobilidade é unha prioridade. Suben un 7% o investimento en estradas, ata chegar aos 17,3M€, destinados a tarefas de mellora, desbroce, conservación e mantemento da rede viaria provincial, a máis extensa de todo o Estado e tres veces maior ca da Xunta en Lugo.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
