Santiago de Compostela, 26 de Xaneiro 2022. A portavoz nacional, Ana Pontón, levou o colapso da atención primaria á sesión de control e deixou claro que non é froito da casualidade senón o resultado da “folla de ruta ideolóxica” de Feixóo: “recortar e privatizar a sanidade pública en beneficio da privada”, que aplica desde a súa chegada ao Goberno da Xunta.
“Vou ler unhas declaracións e dígame se lle resultan familiares”, interpelou a líder do BNG ao xefe do Executivo: “A xestión da sanidade adoece dunhas rixideces propias dunha oficina administrativa polo que, o que non sexa núcleo duro do sistema, se pode experimentar con instrumentos de xestión privada. Lembra esta declaración? Porque é súa, 21 de maio de 2012, almorzo informativo en Madrid tras o que deixa este titular: Feixóo abre a porta a privatizar no que non sexa o núcleo duro do sistema e propón experimentar coa presenza do sector privado no resto do sistema sanitario”.
E “vaia se experimentou, experimentos que está pagando a cidadanía coa súa saúde”, denunciou Pontón, quen tirou de hemeroteca para evidenciar que os problemas de falta de medios, precariedade e listas de espera, pasando pola saturación das urxencias e o colapso da atención primaria viñan de moito antes da pandemia, e son a consecuencia de dez anos de recortes e privatizacións.
“Vostede é Feixóo o privatizador da sanidade pública e un risco para a saúde dos galegos e das galegas”, subliñou ante un presidente da Xunta empeñado en presumir de datos. “Vaia co seu novo coche oficial a un centro de saúde a dicirlle tanto ós profesionais como ós doentes que a sanidade pública, que a atención primaria está mellor que nunca, vaia ante as persoa que teñen que esperar até dúas semanas para ter consulta presencial coa súa médica de cabeceira a dicirlles que a situación está mellor que nunca”.
A líder nacionalista puxo o foco na precariedade laboral que vive o persoal sanitario. “Fáltalle ao respecto os e as profesionais da sanidade cando por exemplo a unha enfermeira do Hospital de Ourense lle fan asinar 34 contratos en dous meses, con 28 contratos dun día de duración; fáltalle ao respecto o persoal sanitario e á cidadanía cando ten os centros de saúde con menos profesionais dos que necesitan ou cando destina a atención primaria un orzamento que é menos da metade do que recomenda a OMS”, argumentou.
Pontón fixou citou as denuncias máis recentes dos profesionais da sanidade como o mellor resumo da dramática situación dos centros de saúde: “A atención primaria está desbordada e estánsenos escapando outras doenzas”, noutras palabras, denúnciase que hai persoas que non están sendo diagnosticados co que iso implica de deterioro para a súa saúde, alertou.
“Sóbralle soberbia e fáltanlle solucións señor Feixóo”, recriminou Pontón, “e antes de saír pola porta do Parlamento hoxe debería anunciar un plan de reforzo da atención primaria, debería anunciar que recupera as xerencias en atención primaria e debería anunciar que vai tomar medidas contra a precariedade do persoal sanitario. Pero non vai facer nada disto, porque é vostede Feixóo o privatizador da sanidade pública”, concluíu.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
