Cando con 16 anos me planeei ter a miña propia conta de banco, traballaba polo verán para pasar un bo inverno, a sensación natural, de identidade levoume de forma natural a Caixa Galicia. Imaxino que o nome de Galicia e as cores corporativas tiveron moito que facer, xa que en San Ciprián tíñamos daquela cinco entidades bancarias, hoxe dúas.
As caixas tiñan ese verniz de territorio e de identidade, logo xa sabemos o que posou coas caixas e a súa xestión. Da transformación do modelo de caixas xurde en Galicia ABANCA, un agasallo de Feijoo a Escotet, e segue tendo esa pátina de territorio e identidade, máis por herdanza e cores que por realidade, coido.
Á entidade vaille ben, no 2021 en plena pandemia mundial gaña un 46% máis, uns 210 millóns, está moi ben. Eu defendo que as empresas que operan en Galicia deben ser fortes e gañar cartos. Mais toca sinalar que ABANCA pechou o 10% das súas oficinas e 116 traballadores quedaron na rúa , no pasado ano.
10% de oficinas sobre todo no rural, ese que lle dá a identidade galega á entidade que no seu día formamos todos e agora é privada. Nun País co maior número de núcleos de poboación e dispersión territorial o banco perde presenza. ABANCA xa non representa a realidade de Galicia, é un feito.
A resposta ás críticas, é a promesa da colocación de caixeiros, é esa a vocación de servizo da entidade bancaria galega? Poñer caixeiros no rural, vaia aposta pola relación humana e o territorio. Tampouco temos á poboación obxectivo para esta medida, a capacitación dixital da poboación non está nese nivel. Onde queda aqueles traballadores do banco que axudaban ás persoas?. Evidentemente non me refiro aos mercenarios que venderon preferentes.
A resposta da administración é sorprendente, a Xunta subvenciona os caixeiros e os concellos quitadas honrosas actuacións non fan ren. Coido que a Xunta nesa política tamén pode subvencionar aos peixeiros, panadeiros e comerciantes que atenden o rural, e mesmo poñer máquinas de vending se é o caso, xa postos. A Xunta ten que esixir que ABANCA cumpra cos aforros dos noso pobos, e represente a Galicia.
Mentres ABANCA pecha en Galicia, compra e expándese a outros horizontes, pechará tamén alí, non o creo.
Piñeiro Docampo,
Sº XERAL DE CxG
MEMBRO DO CONSELLO DO PARTIDO DEMÓCRATA EUROPEO
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
