Cervo, 14 de Febreiro de 2022. A concelleira de Medio Ambiente, Mali Méndez, fixo entrega dos premios do concurso fotográfico “Cervo Respecta 2021”, na súa XI edición.
O gañador do primeiro premio, Juan Barreiro grazas á súa obra “Blessed”, que acadou 51 puntos, non puido recoller o premio de xeito presencial por motivos laborais, polo que se lle foi enviado por correo.
En segunda posición situouse a fotografía “Reflexos do Faro” tomada por Emilio Pérez, natural de Xove, que sumou un total de 50 puntos, e que ademais, tamén logrou o premio Top Cervo, co mellor retrato dalgún punto do noso municipio.
Nesta edición do concurso participaron un total de 41 instantáneas que loitaban por acadar un dos tres premios que había en xogo: un primeiro e un segundo premio, ademais do Top Cervo, que se entrega á mellor fotografía tomada nalgún punto do termo municipal. Os premios compóñense de figuras de Sargadelos.
A concelleira, Mali Méndez, quixo apuntar que “estivemos agardando para que o gañador do primeiro premio puidera vir recoller o primeiro premio de xeito presencial, pero finalmente non se deron as circunstancias e llo tivemos que facer chegar por correo”.
O que si acudiu presencialmente foi Emilio Pérez, gañador do segundo premio e do galardón Top Cervo, ao que Méndez felicitou e animou a seguir participando nas seguintes edicións do concurso fotográfico.
A delegación de Medio Ambiente xa está a preparar unha nova edición do certame “Cervo Respecta” que sairá á luz na primavera de 2022.
A edil declarou: xa estamos a ultimar os detalles para unha nova edición deste concurso, máis que consolidado despois da súa undécima edición, co que pretendemos poñer en valor o noso patrimonio natural e promover a concienciación medioambiental entre a poboación”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
