Viveiro, 25 de febreiro de 2022. A Alcaldesa de Viveiro, María Loureiro, mantivo hoxe unha reunión coa directiva e xerencia de Aspanane (Asociación de Pais de Persoas con Discapacidade Intelectual de Viveiro) para informalas do traballo e xestións realizadas para a construción dunha residencia.
“Levamos tempo realizando xestións para conseguir a cesión do antigo colexio de Celeiro, co obxectivo de reubicar nesa edificación a Escola Oficial de Idiomas, que actualmente se atopa na parte superior do Centro de Día de Aspanane, para crear a residencia nesa segunda planta”, sinala a rexedora.
Porén, o traslado da Escola Oficial de Idiomas está retrasándose e demorándose máis do previsto, porque dende a Tesourería Xeral do Estado non se atopa unha alternativa para a cesión dese edificio. Deste modo, o Concello de Viveiro, en contacto con Aspanane, está traballando na búsqueda doutras posibles opcións.
“Atopamos unha segunda alternativa, que pasaría por construír a residencia nunha parcela de titularidade municipal, na que urbanisticamente é posible”, anuncia a rexedora.
Polo momento, dende o goberno municipal non se quere facer público o lugar no que se atopa esta parcela referida. Deste modo, como habitualmente procede o goberno local, quérese primeiramente informar aos voceiros municipais.
O Concello de Viveiro nunca deixou de traballar para conseguir que se puidera construír a residencia que proxecta Aspanane, entidade coa que o goberno local colabora dende sempre e á que recoñece o importante labor que desempeñan.
Aínda que a cesión do antigo colexio de Celeiro se está demorando, o goberno municipal seguirá traballando para que ese inmoble sexa cedido ao Concello de Viveiro, entendendo que se trata dunha edificiación emblemática, que debe ser arranxada e humanizar esa zona.
“Polo feito de atopar un terreo municipal amplo para a construción da residencia non imos cesar no empeño de lograr a cesión do antigo colexio de Celeiro, un centro no que estudaron os nenos e nenas de moitas xeracións”, engade a alcaldesa. O Concello de Viveiro considera que ese inmoble debe ser arranxado e dignificado, un obxectivo no que se está traballando.
Por outra banda, cómpre facer referencia a outro proxecto importante que o goberno municipal logrou para Aspanane. Cómpre sinalar que o Concello de Viveiro e a Deputación de Lugo asinarán un convenio, por importe de 50.000 euros, para que o concello poida levar a cabo unha serie de actuacións nas dúas naves ubicadas en Lavandeiras e cedidas a Aspanane, nas que teñen os talleres de traballo. Deste xeito e grazas ao compromiso da Deputación Provincial de Lugo, o Concello de Viveiro realizará nesas naves as obras necesarias para eliminar os problemas de filtracións existentes.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
