Meira, 4 de febreiro de 2022. O PP de Meira defende “a mellora e ampliación do centro de saúde da localidade”. Así o explicou o portavoz municipal, Carlos Veiga, nunha visita ao centro médico na que tamén participaron outros membros da agrupación local e a deputada no Parlamento de Galicia, a doutora Encarna Amigo.
Veiga considera que “as instalacións que teñen máis de 30 anos requiren dunha reforma” e tamén cre que “é necesaria a ampliación do centro médico e o Punto de Atención Continuada onde se atenden aos veciños e veciñas dun total de seis municipios”.
Os populares agradecen que a Xunta accedera ás súas peticións e inclúa no seu Plan de infraestruturas de atención primaria ao centro de saúde de Meira. De feito, dirixe 300.000 euros ao proxecto.
A reforma proposta pola Xunta consiste na ampliación do centro para resolver problemas de espazo que permitirán dotar de máis salas ao centro de saúde e tamén ao PAC. Na área correspondente ao centro médico crearase unha consulta de enfermería pediátrica, unha sala polivalente, unha sala de técnicas (probas complementarias, citoloxías…), un almacén, unha sala de limpeza, a adaptación de aseos e ampliación da área de recepción e arquivo. E dotarase ao PAC de vestiarios e almacén; ademais de ampliar o box de críticos.
Aposta da Xunta pola mellora da sanidade e dos centros de saúde
A deputada popular defende “a implicación e a aposta da Xunta pola sanidade pública como reflicte o incremento do 23% nos orzamentos do Sergas entre o 2009 e o 2022”.
En relación ás infraestruturas de Atención Primaria, Amigo destaca que as contas do Goberno galego para este exercicio inclúen 2,65 millóns de euros para licitar as obras de reforma de centros de saúde que figuren na prioridade 1 do Plan de Infraestruturas de Atención Primaria entre o que se atopa o de Meira; ademais doutros centros da provincia (a construción do novo centro de saúde do Sagrado Corazón en Lugo, o de Pantón e o de Ribadeo e a reforma do centro de saúde da Milagrosa en Lugo e do de Outeiro de Rei). A Xunta ten reservados outros 400.000 euros para o inicio da obra do novo centro de saúde de Antas de Ulla e unha partida específica de 6,2 millóns para a continuación da obra do Centro Integral de Saúde da cidade de Lugo.
A popular fai tamén fincapé en que “estas reformas e as construcións de novos centros de saúde seguen a liña das actuacións da Xunta de Galicia dende o ano 2009, co goberno do Partido Popular, que supuxo a mellora de 95 centros de saúde na comunidade”.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
