Foz, 22 de marzo de 2022. A estas alturas está sobradamente demostrada a falta de traballo e a incapacidade de xestión do goberno municipal de Foz, presidido polo socialista Fran Cajoto. En cada pleno queda demostrado o déficit de goberno e son evidentes as consecuencias negativas que ten para Foz. No próximo pleno ordinario, de novo se pon de manifesto. O portavoz popular, Javier Castiñeira, explica: “Acabamos de recibir a documentación para o próximo pleno ordinario do Concello de Foz. Podemos cualificar ese pleno como o pleno da vergoña, porque é o do pago das débedas pola malísima xestión do equipo de goberno, que vimos denunciando nos máis de dous anos e medio que levan ao fronte do Concello. Hai unha falta absoluta de rigor e de traballo”. Na sesión aprobaranse pagos por máis de 1,5 millóns de euros, que non sería preciso gastar se a xestión do Concello fora a adecuada.
Castiñeira sinala: “A orde do día inclúe tres puntos que demostran a nosa teoría. O primeiro é o máis grave: o pagamento a Gestagua, unha vez máis, nesta ocasión de 1.124.744 euros, por non ter aprobado o novo concurso da concesión do servizo de abastecemento e depuración. O anterior goberno, a anterior corporación, xa deixou feito o traballo; estaban contratada a elaboración dos pregos á consultora Eptisa, que foron metidos no caixón, non sabemos por que, por parte do alcalde”. Engade: “Levamos máis de dous anos pedindo ao equipo de goberno (PSOE e BNG) que non meteran no caixón dito concurso, posto que nos costaría cartos das arcas municipais. E seguen sen facelo, polo que ademais de ser un derroche de cartos públicos é un engano aos veciños. Socialistas e nacionalistas prometeron municipalizar o servizo de abastecemento e depuración e non fixeron nin unha cousa nin a outra. Iso si, agora hai que pagar máis de 1,1 millóns de euros por atrasos ata o ano 2021”.
Os populares din que outro punto da orde do día, polo que a próxima sesión plenaria merece ser cualificada como o pleno da vergoña, é para aprobar o abono de 382.664 euros en facturas atrasadas de anos anteriores. O portavoz do PP declara: “Demóstrase de novo a mala xestión. Agora que teñen maioría, agora que poden aprobar orzamentos, non é lóxico un recoñecemento extraxudicial por ese importe; ao final imos a sumar máis de 1,5 millóns, para os que hai que tirar do remanentes, dos aforros que conseguiron as boas políticas de goberno do PP en oito anos”.
Castiñeira manifesta: “Hai un punto na orde do día do que nos alegramos, porque é unha petición do PP: a actualización do Servizo de Axuda no Fogar, que leva máis de 2,5 anos caducado. O goberno non fixo nada ata agora por actualizalo, por modernizalo; parece que agora tomaron esa decisión despois de moitas peticións do PP”.
En conclusión, segundo sinala Javier Castiñeira, “a malísima xestión do bipartito está a levarnos a pagar cartos municipais, por importe de 1,5 millóns, cos que se poderían facer moitas cousas en Foz”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
