Barreiros, 22 de abril de 2022. O Concello de Barreiros acaba de redefinir a antiga ruta da Lagoa dos Patos. Para isto modificouse o seu trazado facéndoa pasar por máis puntos de interese turístico, a maior parte deles de carácter cultural. Así, a ruta da Lagoa dos Patos pasa a chamarse “Ruta Lagoa de Pallares” e ten o seu punto de inicio no aparcamento do campo de fútbol do Cascabeiro onde atoparemos o panel de inicio coa información básica do sendeiro.
O novo trazado, de dificultade moderada, tamén é circular e conta cunha distancia de 5,5Km máis desvíos a puntos de interese, podendo facela a pé ou en bicicleta.
A súa sinalización, con marcas brancas e azuis, está preparada para facer o percorrido nun só sentido. Partindo do punto de inicio, dirixímonos cara ao cruceiro de Viladaíde, onde nos desviamos á esquerda. A partir de aí comeza un descenso suave cara a contorna da ría de Foz-Masma que conta con diversos puntos desde onde obteremos unhas fermosas vistas á mesma podendo prestar atención á flora e fauna propia desta contorna natural declarada Zona de Especial Protección para as Aves (ZEPA) e Zona de Especial Conservación (ZEC) entre outras figuras de protección ambiental.
Así mesmo, na contorna deste esteiro, descubriremos a pequena Lagoa de Pallares, que lle dá nome ao roteiro. Pasaremos por xunto a este recurso tanto á ida como á volta para, posteriormente, desviarnos cara os lugares de Vilar e A Áspera e adentrarnos así na parte máis vinculada ao patrimonio cultural de carácter etnográfico, relixioso e civil.
Ademais, os/as sendeiristas contan coas ferramentas dixitais Wikiloc (perfil “ConcellodeBarreiros”) e Google Maps para poder seguir o roteiro. Toda a información da ruta coma a descarga dun folleto dixital e do track en GPX, se atopan dispoñibles na sección de sendeirismo da web municipal www.concellodebarreiros.gal.
Aclaran que, aínda que están pendentes de recibir material complementario que axude a darlle visibilidade a esta ruta, a sinalización direccional xa está instalada e, polo tanto, xa se pode utilizar.
Dende o Concello agardan que tanto residentes coma visitantes gocen desta nova proposta que permite practicar deporte á vez que se visibiliza e pon en valor o patrimonio natural e cultural da contorna.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
