Santiago de Compostela, 27 Abril 2022. A portavoz nacional, Ana Pontón, aproveitou o último cara a cara no Parlamento co aínda presidente a Xunta para destacar que Galiza ten “fame de cambio”, un cambio real que o BNG aspira a liderar, ante un PP que xa representa o pasado e cun Feixóo que é “o primeiro en abandonar o barco”, deixando un País peor do que encontrou cando chegou á Presidencia fai trece anos.
Pontón, que interpelou ó xefe do Executivo pola crise de prezos, subliñou que “o cambio galego está en marcha porque Galiza ten fame de cambio, un cambio real que o BNG, con humildade pero con ambición, aspira a liderar para darlle un futuro mellor a xente deste País, porque Galiza merece algo mellor que un Goberno do PP que leva trece anos instalado no non, no non a todo o que supoña a defensa dos intereses dos galegos e das galegas. Son vostedes o partido do non”, sentenciou.
Como consecuencia, a herdanza que deixa Feixóo é unha Galiza máis pequena “con menos emprego, con menos industria, con menos sectores produtivos, con menos sanidade e servizos públicos, con menos xente moza, con menos igualdade. Son vostedes o partido do non e Galiza merece un goberno que lle diga si, si a unha mocidade con futuro, si a ciencia e a innovación, si á sanidade pública, si a unha vellez digna, si ós sectores produtivos, si a ciencia e a innovación, si á igualdade e ó feminismo, si a unha Galiza con futuro”, proclamou.
“O PP empeza a ser o pasado, aínda que non se dean conta señor Feixoo, é vostede é o primeiro e abandonar o barco”, declarou, convencida de que o futuro pasa polo BNG.
En realidade, recalcou Pontón, Galiza non leva tres meses cun presidente ausente, senón trece anos cun Goberno do PP supeditando ó centralismo e ós lobbies económicos. Por iso, argumentou, “veta unha baixada de impostos ás eléctricas que se están forrando mentres as familias, a clase traballadora e as empresas están afogadas pola factura da luz”, nun país onde os prezos están “descontrolados” por riba da media estatal pese a ter salarios e pensións máis baixos.
A única receita que ofrece Feixóo é a baixada de impostos que só beneficia a quen máis ten, mentres se debilita o público, como se cos impostos, -explicou-, non se sufragasen a sanidade, a educación, as infraestruturas ou os servizos sociais.
“Vostede baixoulle os impostos os que máis teñen si, pero tamén baixou o número de médicos e médicas, o número de profesores e profesoras, baixou o orzamento en atención primaria, baixou os recursos en ciencia en investigación, baixou servizos no medio rural e vai marchar sen construír nin unha soa residencia pública”, denunciou.
Baixar impostos é debilitar o público
“Non hai que baixarlle impostos ós que máis que teñen señor Feijóo, como fai vostede en Galiza, hai que tomar medidas para evitar o empobrecemento da clase traballadora e hai que tomar medidas de apoio os sectores produtivos máis afectados pola crise de prezos”, alegou, uns prezos disparados. En doce meses, a calefacción, a luz, a auga subiron un 68,3%; o aceite un 32%; produtos básico na cesta da compra de calquera familia como ovos, leite, carne ou peixe subiron máis dun 10%. “Que salarios aguantan isto? Xa lle digo que os dos traballadores e traballadoras, non”, espetou.
A líder do Bloque lembrou que os galegos e as galegas pagan os carburantes máis caros, pese a aguantar os custes ambientais de ter unha refinería na Coruña, e pagan a luz a un prezo insoportable, pese a ser ricos en electricidade e aguantar os custes ambientais de ter os ríos cheos de encoros e os montes con 4.000 muíños.
“Pero o goberno do PP veta a tarifa eléctrica galega e veta calquera subida de impostos ás eléctricas para que axuden a sufragar parte da crise, porque se están forrando con esta subida de prezos”, criticou.
Consciente de que está era á ultima sesión de control de Feixóo como presidente da Xunta, Pontón quixo trasladarlle o seu respecto institucional pois, máis aló das evidentes discrepancias políticas, “teño un profundo respecto polo meu País e polas súas institucións”, ao tempo que lle desexaba “todo o mellor” no persoal aínda que, ironizou, “comprenderá que non faga extensivo ese desexo ó ámbito político”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
