Ribadeo, 1 de abril de 2022. O concelleiro de Deportes, Jorge Díaz, considera inxustas e infundadas as críticas realizadas polo Ribadeo FC sobre o actual estado do campo de adestramento da Devesa, onde está previsto que se acometan obras de mellora en datas próximas. Díaz Freije subliña que desde a Área de Deportes segue coa man tendida e disposta a colaborar e axudar na medida das súas posibilidades e lembra que o campo da Devesa é para adestrar e que o Pepe Barrera está para competir.
O edil ribadense declarou que “no Concello de Ribadeo estamos un pouco sorprendidos e abraiados por unha actitude que vemos xa desde hai datas por parte da directiva do Ribadeo FC cara ao Concello de Ribadeo. Non o entendemos tendo en conta que é a entidade deportiva que máis achega económica percibe do Concello de Ribadeo, e á segunda que máis recibe correspóndelle o 50 por cento desa cantidade; é dicir estamos a falar dunha contía económica moi importante coa que lle axuda o Concello, que para iso está, pero iso é un valor a ter en conta”.
Jorge Díaz dixo: “critican que non colaboramos coas instalacións, pero hai que ter en conta que son compartidas con outra entidade deportiva, como é a SD Ribadeo, coa que tampouco temos ningún problema. É o mesmo que sucede con outras entidades deportivas que comparten pavillóns e non hai ningún tipo de problema con iso”.
O concelleiro de Deportes lembrou que “para o fútbol nestes últimos anos fixéronse investimentos moi importantes, como no campo Pepe Barrera, ao que se destinaron máis de 400.000 euros entre o Concello e a Deputación e cunha miguiña que aportou a Xunta. Polo tanto estamos abraiados, desde logo, con esta actitude cara ao Concello por parte da directiva do Ribadeo FC”.
Díaz Freije subliñou que “desde o Concello tratamos a todo o mundo igual porque independentemente do ano que no se constituíra cada sociedade todas teñen os mesmos dereitos e deberes. E imos seguir apoiando ás entidades como sempre vimos facendo, sen ningún tipo de agravio nin de acritude. Tendemos a man, dentro do que podemos, co que temos a disposición: coas nosas instalacións”.
E engadiu que “para os adestramentos temos outras instalacións, que están a disposición tanto do Ribadeo FC como da SD Ribadeo, porque son compartidas xa que este Concello ten as súas limitacións, como todos os concellos, e a súa dinámica. E concretamente no campo da Devesa temos previsto facer un arranxo importante en pouco tempo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
