Ribadeo, 20 de abril de 2022. O alumnado de 6º de Primaria dos colexios Sagrado Corazón e Gregorio Sanz participarán os días 27 e 28 de abril en actividades de educación afectivo-sexual organizadas polo CIM e pola Concellaría de Igualdade.
Mariluz Álvarez Lastra explicou que “desde o CIM continuamos coa educación en igualdade por medio de diversas actividades. Desta volta seguimos cos talleres de educación sexual dirixidos ao alumnado dos Ceip Gregorio Sanz e Sagrado Corazón. Esta vez é a quenda para o alumando de 6º de Primaria con De bo rollo, os días 27 e 28 de abril”.
A edil de Igualdade dixo que “é unha actividade xeral sobre sexualidade, diversidade e xestión saudable das relacións. Ten como eixes transversais o autocoñecemento do corpo, a xestión das emocións, o bo trato e a autoestima. Busca a participación activa do alumnado estimulando a reflexión grupal, o debate, a formulación de preguntas e a busca de respostas conxunta para promover o pensamento crítico sobre a temática”.
A concelleira ribadense subliñou que “a finalidade destas actividades, que xa foron impartidas recentemente os días 7 e 9 de febreiro no CIFP Porta da Auga, o 8 e 9 de febreiro no IES de Ribadeo e do 14 ao 16 de febreiro no Colexio Sagrado Corazón, é traballar a comunicación asertiva, a posta de límites e a negociación para garantir as relación desexadas libres de coacción e violencias”.
Álvarez Lastra engadiu que “a actividade será impartida por persoal especializado que realiza proxectos de educación sexual e actividades divulgativas de sexoloxía para centros educativos, asociacións que traballan con usuarias con discapacidade, centros de información á muller, e colabora como persoal docente en formacións para profesionais sobre sexualidade e discapacidade. Damos as grazas ao Centro de Psicoloxía Sanitaria especializado en Sexoloxía Con mucho gusto pola súa colaboración”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
