Viveiro, 19 de abril de 2022. O Concello de Viveiro continúa o ciclo de conferencias “Maruja Mallo. Viveiro e a vangarda do século XX”, cunha nova cita este xoves, 21 de abril, coa proxección do documental “Maruja Mallo, mitad ángel, mitad marisco”, do director galego Antón Reixa, quen participará no coloquio. A cita será no Teatro Pastor Díaz de Viveiro ás 20:30, con entrada gratuíta ata completar aforo.
Este evento dá continuidade á primeira conferencia sobre Maruja Mallo no marco desta iniciativa, celebrada o pasado 13 de marzo e que contou cos relatorios sobre a artista viveirense de José Luis Ferris e Carlos Nuevo Cal.
“Como goberno local é a nosa responsabilidade sacar do esquecemento a Maruja Mallo, para reivindicar a súa traxectoria, e sobre todo para ofrecer á cidadanía o acceso e coñecemento á súa obra”, sinala María Loureiro, alcaldesa de Viveiro.
Antón Reixa (Vigo,1957), é escritor, creador visual e músico, cunha longa traxectoria en diferentes disciplinas pero cunha especial énfase na comunicación audiovisual. Actualmente, colabora en Luzes.gal e no programa de radio de Julia Otero, ademais de continuar co seu traballo literario e diferentes colaboracións en prensa e proxectos audiovisuais. En decembro do 2021, concedéuselle a medalla de oro ao Mérito nas Belas Artes do goberno español.
“O éxito do primeiro relatorio permítenos continuar con esta iniciativa na que non só damos visibilidade á figura desta muller artista senón que tamén enxalzamos o talento artístico local”, sinala Lara Fernández Fernández-Noriega, concelleira de Cultura.
A próxima cita deste ciclo sobre Maruja Mallo será o xoves 28 de abril ás 20:30, coa intervención do pintor Antón Patiño, baixo o título “Maruja Mallo. Arte da vida”. O venres 29 de abril será a terceira conferencia, coa participación de Carmen Gaitán Salinas, científica no Instituto de Historia do CSIC, co relatorio “Explorando o cono sur: Maruja Mallo e o seu exilio transatlántico”.
O venres 6 de maio, ás 20:30, o ciclo contará coa intervención da historiadora da arte do Museo Reina Sogía, Patricia Molins, baixo o título “Maruja Mallo, a invención inconográfica e a arte popular”.
De momento aínda non está definida a data da última conferencia que pechará o ciclo “Maruja Mallo. Viveiro e a vangarda do século XX”, pero dende o Concello de Viveiro adiántase que contará coa presenza da exministra de Igualdade, Carmen Calvo.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
