A Mariña, 26 de abril de 2022. O presidente da Mancomunidade, Fran Cajoto, considera que a Xunta de Galicia despreza á Mariña coa ubicación de Altri.
Cajoto manifestou: “estamos profundamente indignados. Nin sequera escoitarnos, non se dignaron a escoitarnos. En tres ocasións solicitamos unha reunión con Francisco Conde, con Alberto Núñez Feijoo e coa xerente do consorcio Impulsa Galicia desde o 18 de novembro do ano 2021 e ninguén se quixo reunir cos representantes da Mariña”.
O presidente da Mancomunidade pide explicacións: “que nos expliquen a todas e todos os mariñaos por que se instala unha fábrica para procesar celulosa de eucalipto nun concello lonxe dos eucaliptos. Que nos expliquen por que se lle dan as costas a unha comarca cunha grave crise industrial. Que expliquen aos mariñaos por que despois de todas as fotos que sacou Feijoo en Alcoa agora que pode non quere aportar solucións á grave crise industrial da comarca. Por que ignora e bota ao lixo o mandato do Parlamento de Galicia. Por que se nos deixa unha vez máis de lado. Non vamos permitir nin unha mentira máis, isto é unha decisión política. Non se nos quixo recibir cando o único que pretendíamos os 16 concellos da Mancomunidade era facilitar os trámites e buscar a mellor ubicación, independentemente do concello. Que o expliquen. Que nos digan por que nos deixan abandonados, sen unha explicación, sen nin sequera recibirnos. Por que ese desprezo a toda unha comarca, por que ese absoluto e indignante silencio”.
O alcalde de Foz e presidente da Mancomunidade da Mariña móstrase absolutamente indignado “polas falsidades da Xunta de Galicia no proceso de implantación de Altri e o ninguneo e desprezo que se fixo aos concellos da comarca. Din que é unha decisión empresarial cando foi precisamente a Xunta a que impuxo á empresa que se implantara na provincia de Lugo. Isto é un proceso teledirixido desde Santiago. Ao Partido Popular non lle interesa a Mariña: nin autovía a Ferrol, nin área sanitaria, nin residencias de anciáns, nin nada. Nun Foro organizado en Ribadeo polo Progreso o pasado 23 de marzo silvicultores, sector de transformación e alcaldes de distintas cores coincidiamos en que A Mariña resultaba a ubicación ideal para a implantación da factoría de Altri”.
E engadiu: “a Xunta decidiu outra cousa, unha decisión política e absoluta e completamente ilóxica. Cando nos vetan a unha reunión, na que queríamos que tamén estivera Altri, é que non din a verdade. O que di a verdade non ten nada que ocultar e traballa de forma leal por un proxecto. A Xunta é todo o contrario: ocultismo e propaganda”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
