Lugo, 4 de maio de 2022. A política de persoal e emerxencias que desenvolve o goberno provincial, presidido polo socialista José Tomé, entra de cheo no terreo da demagoxia. Así o sinala o portavoz popular na Deputación, Javier Castiñeira, que di: “Asistimos perplexos ao espectáculo demagóxico do presidente Tomé respecto á situación das emerxencias na provincia”. Ao fío da reunión de Tomé cos presidentes socialistas das deputacións de A Coruña e Pontevedra, Castiñeira ve “un Tomé contraditorio, que pide que o cadro de persoal de bombeiros do Consorcio, do que el é presidente, pase a ser 100% da Administración, mentres que ten a máis de 20 traballadores da antiga Suplusa subrogados en Tragsa, cun acordo, un proceso, que os propios traballadores teñen no xulgado”.
O portavoz popular indica: “O señor Tomé xa non engana máis que así mesmo. A súa política laboral é a política do amiguismo. É o presidente que cualificou despectivamente o teletraballo no covid como televacacións; é o presidente das subvencións á carta ao sindicato que dirixe o seu irmán; o presidente que dirixe o Consorcio de Bombeiros que sigue perdendo sentenzas por denuncias dos mesmos bombeiros que agora pretende adular; é o presidente que fala das emerxencias pero que non quixo ampliar e mellorar as condicións dos GES da provincia, como lle ofreceu a Xunta de Galicia a finais do ano pasado. É cómplice de que alcaldes socialistas renunciaran ao grupo de emerxencias supramunicipal, como Fonsagrada e Guitiriz”.
Castiñeira indica a Tomé: “Deixe de usar a Deputación como arma de enfrontamento contra a Xunta de Galicia; se quere dar leccións que sexa co exemplo propio e non con noticias cheas de hipocrisía e pouca autocrítica”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
