Viveiro, 7 de maio de 2022. O 1º tenente de alcalde de Viveiro, Jesús Fernández Fernández, representou ao Concello na inaguración da exposición titulada “Bravura. Naufragio del Vapor Santa Isabel”, en recordo ao Capitán de Corbeta Luis Cebreiro López, oficial do Vapor Santa Isabel.
A figura e traxectoria de Luis Cebreiro López está especialmente vinculada a Viveiro. Considerado precursor do salvamento no mar, Cebreiro desenvolveu parte da súa carreira militar na Axudantía Militar de Marina de Viveiro, un total de 28 anos, creando aquí en 1942 unha sección dos Flechas Navales.
Os datos máis relevantes da súa biografía constan na placa colocada no Paseo Marítimo que leva o seu nome, facendo especial fincapé na súa labor orientada ao salvamento de vidas humanas no mar. Cebreiro foi un home avanzado ao seu tempo, lembrado por instaurar a primeira lancha de salvamento e pola súa labor social, dignificando as condicións de vida da clase mariñeira, debendo lembrar, polo que atinxe a Viveiro, que Cebreiro foi o mediador na construción de vivendas para mariñeiros na Atalaia, no Chao e en Pénjamo e o promotor da Escola Nacional de Orientación Marítima de Pénjamo, pola que pasaron varias xeracións de rapaces que se dedicaron profesionalmente ao mundo do mar, como patróns ou motoristas.
Luis Cebreiro López estaba en posesión de todas as condecoracións de Salvamento, de bronce, prata e ouro; ademais de ter recibido medallas de salvamento británicas e alemás. Foi considerado, así mesmo, heroe do naufraxio do “Santa Isabel”, en 1921, onde rescatou do mar a máis de 30 persoas, e foi o oficial da Mercante máis condecorado do século XX.
Entre outras autoridades civís e militares, asistiron á inauguración da exposición o Almirante Xefe do Arsenal de Ferrol VA, Ignacio Frutos Ruíz; o director do Museo Naval de Ferrol CN, Rafael María Izquierdo; o alcalde de Ribeira, Manuel Ruiz; María Sampedro, tenente de alcalde de Ribeira; o presidente da Autoridade Portuaria de Ferrol-San Cibrao, Francisco Barea Paz; a delegada da Xunta en Ferrol, Martina Aneiros; o deputado autonómico José Manuel Rey; os historiadores José María Fernández Pazos e José Luis Moar Rivera; o Director do Museo de Ribeira e comisario da exposición, Miguel Vidal Lojo; e María del Carmen Cebreiro Gómez, filla de Luis Cebreiro López.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
