Barreiros, 27 de xuño de 2022. O delegado territorial da Xunta en Lugo, Javier Arias, fixo entrega hoxe das bandeiras azuis que distinguen ás praias e outros recursos turísticos da Mariña, que son “un premio ao compromiso da comarca co seu patrimonio natural e un recoñecemento ao turismo sustentable e de calidade que impulsa a Xunta de Galicia”, afirmou.
Arias lembrou que a comarca loce 22 bandeiras azuis, 18 delas en areais e as demais no Barco Museo Reina do Carmen e o Centro de Educación Medioambiental Gaia, ambos en Burela; a carpintería de Ribeira Francisco Fra, en San Cibrao (Cervo), e o porto deportivo de Ribadeo.
A Asociación de educación ambiental e do consumidor (Adeac) outorga estes distintivos de ámbito mundial en base a criterios de sustentabilidade e de servizos, e un ano máis situou a Galicia como unha referencia en España, que é, á súa vez, o país que concentra o maior número de bandeiras azuis de todo o mundo. En concreto, 1 de cada 5 bandeiras azuis do Estado corresponden a Galicia.
“O coidado do medio ambiente, que nos implica a todos, e o modelo turístico que vimos desenvolvendo dan os seus froitos un ano máis, e quero agradecer especialmente aos veciños e veciñas e aos concellos a súa contribución para acadar este novo éxito”, sinalou Arias.
O delegado fixo entrega en primeiro lugar das bandeiras azuis en Barreiros, para as praias de Fontela Valea -que a consegue por primeira vez-, Coto e A Pasada, nun acto xunto coa alcaldesa, Ana Ermida. Tamén entregou as de Foz para as praias da Rapadoira, Areoura, As Polas, Llas e Peizás; a de Xove para o areal de Esteiro, e a de Viveiro para Area. Recolléronas os respectivos alcaldes, Francisco Cajoto, Demetrio Salgueiro e María Loureiro.
Ademais das citadas, obtiveron o recoñecemento en Burela as praias da Marosa, O Portelo e Ril; en Cervo a praia do Torno; en Ribadeo a das Catedrais e Os Castros-Illas; e no Vicedo as de Abrela e Xilloi.
Criterios de excelencia
Os criterios esixidos para a obtención de bandeiras azuis en praias e portos deportivos están relacionados coa calidade das augas —que ten que ser excelente—; a seguridade e a accesibilidade; a dotación de servizos; así como coa xestión ambiental e a sustentabilidade destes espazos. Pola súa parte, os centros azuis deben fomentar a educación ambiental no litoral, o coñecemento da contorna e as alternativas de ocio.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
