No PP cualifican de inxustificable a abstención do Bloque, despois de asegurar que eran uns orzamentos irresponsables
Viveiro, 15 de xuño de 2022. Os plenos que celebra a corporación municipal de Viveiro dende que a preside a socialista María Loureiro teñen moito de esperpento. A máis recente das sesións plenarias, na que se debateu o orzamento municipal para o ano en curso, non foi unha excepción. O protagonismo estelar no esperpento correspondeu, como é habitual, á alcaldesa e ao seu grupo, pero non foi papelón menor o xogado polo BNG, segundo sinala o portavoz popular, Óscar Rodríguez. O PP dixo non ás contas municipais porque, na súa opinión, chegan tarde e mal, non responden a un proxecto de cidade, carecen de investimento e de proxectos que sirvan para sacar a Viveiro do pozo no que o meteron os gobernos socialistas
Óscar Rodríguez lembra que dos 13,5 millóns que totalizan os orzamentos, o capítulo de investimentos reais só suma 300.000 euros, dos que máis de 200.000 apórtaos a Deputación.
Rodríguez sinala: “Hai moitos motivos polos que votar non. A alcaldesa, co cinismo habitual, di que os orzamentos son o más importante no funcionamento do Concello; asegura tal cousa cando os está presentando a mediados de ano, é dicir, seis meses despois de que terían que estar en vigor; non son orzamentos para un ano, son para medio ano”.
Para os populares, votar a favor os orzamentos presentados por María Loureiro sería unha auténtica irresponsabilidade. O portavoz popular di: “Tan grande como a irresponsabilidade do BNG ao absterse; os nacionalistas non van convencer a ningún veciño de Viveiro de que a súa abstención foi un voto responsable, máis cando cualificaron de irresponsable a proposta orzamentaria”.
No PP poñen de novo de manifesto que o goberno local non contou co PP para a elaboración dos orzamentos, e din que “así saíu o que saíu”. Óscar Rodríguez asegura que as contas aprobadas reflicten unha total falta de proxecto para Viveiro, porque calquera que os mire verá que non hai nin un proxecto de futuro, nin a corto nin a medio prazo.
Da falta de xestión do goberno presidido por María Loureiro é boa proba o feito de que, a estas alturas, teñen que incluír de novo 50.000 euros para o PXOM. Rodríguez explica: “Levamos máis dunha década sen plan xeral e, polo tanto, coa construción paralizada e así estamos, aínda intentando acabar o PXOM. Por certo, tampouco hai nada nestes orzamentos para ha potenciación do casco histórico, nin para o saneamento das parroquias…”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
