Rosa Quintana destacou a aposta da Autoridade Portuaria de Ferrol-San Cibrao polas novas tecnoloxías para mellorar a navegación nas augas da súa área de influencia e a súa vontade de optimizar a ordenación do tráfico portuario
Xove, 14 de xuño de 2022. A conselleira do Mar, Rosa Quintana, asistiu hoxe xunto co presidente da Autoridade Portuaria de Ferrol-San Cibrao, Francisco Barea, á presentación do novo radar do Faro de Roncadoira instalado pola Autoridade Portuaria para controlar o tráfico do porto de Alcoa e os fondeadeiros de San Román, na ría de Viveiro e dos Farallóns, fronte a San Cibrao. Alí a titular de Mar puxo de relevo o importante labor que con este sistema realiza a Autoridade Portuaria de Ferrol-San Cibrao a prol do control do tráfico marítimo e do incremento da seguridade na navegación.
As actuacións realizadas para a posta en marcha da estación de radar supuxeron un investimento total de máis de 355.000 euros, cofinanciados co Fondo de Compensación Interportuario. Con elas, especificou Rosa Quintana, auméntase a seguridade marítima na zona. Nesta liña, destacou a aposta que realiza a Autoridade Portuaria de Ferrol-San Cibrao polas novas tecnoloxías para mellorar a navegación nas augas da súa área de influencia e puxo de relevo a vontade desta entidade por optimizar a ordenación do tráfico portuario.
De feito, o obxectivo deste radar é que desde o Centro de Coordinación de Salvamento Marítimo na Coruña teñan a información sobre a ubicación exacta das embarcacións que naveguen baixo a responsabilidade da Autoridade Portuaria de Ferrol-San Cibrao. Para iso, este servizo brinda imaxe real do tráfico nestas augas, o que facilita a coordinación e control do tráfico portuario marítimo que realiza Salvamento Marítimo do Estado (Sasemar) en nome das autoridades portuarias.
Pola súa banda, o presidente da Autoridade Portuaria de Ferrol-San Cibrao, Francisco Barea, subliñou a vontade desta entidade para investir os recursos en función das necesidades detectadas en cada momento. Isto é un exemplo, engadiu, de que a Autoridade Portuaria cumpre e reafirma ese compromiso, non só co porto de San Cibrao, senón con toda a Mariña lucense coa que segue e seguirá implicada co afán de contribuír ao desenvolvemento da zona, estratéxica para esta Autoridade Portuaria e para toda Galicia.
Actuacións realizadas
Para asegurar a axeitada transmisión de sinal do radar ata o Centro de Coordinación de Salvamento instalouse fibra óptica ata o Faro de Roncadoira. Ademais adecuouse a caseta que está a carón do faro e converteuse en centro de procesamento de datos que alberga os equipos de comunicacións, servidores e cadros eléctricos, entre outros elementos.
Tamén se licitou o subministro e instalación dos equipos que conforman a estación radar (antena, radar, procesadores de radar, estación base AIS -Sistema de Identificación Automática-, estación meteorolóxica e cámara de alta resolución de vixilancia). Isto complementa ás emisoras do porto de San Cibrao que permiten comunicarse directamente cos buques vía VHF (alta frecuencia). Esta sinal transmítese ao integrador de comunicacións do Centro de Coordinación de Salvamento.
A maiores, en conxunto, a Autoridade Portuaria de Ferrol-San Cibrao dispón dun sistema de axuda á navegación marítima que se compón de nove faros automatizados, monitorizados e telecontrolados e 146 sinais situadas ao longo da costa que transcorre desde a ría de Ares ata a ría de Ribadeo.
O Faro de Roncadoira está situado na parroquia de Portocelo (San Tirso, Xove) comezou a alumear en 1986 e construíuse como un enlace entre os faros de San Cibrao e Estaca de Bares. É unha torre cilíndrica de 12,7 metros de altura e 3 metros de diámetro, conta cunha lanterna e lámpadas halóxenas e acada as 21 millas.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
