A Mariña, 22 de xullo, 2022. O domingo, día 24 de xullo, véspera do día do Apóstolo chegará o grupo de Asoc. ‘Camino del Mar’ á praza do Obradoiro despois de percorrer o camiño histórico de peregrinación que discorría polas comarcas da Mariña Lucense, Ortegal e Ferrolterra. O Camiño do Mar.
Comezaron o 8 de maio en Ribadeo e rematarán o 24 de xullo en Santiago de Compostela despois de percorrer 277 kms nas 12 xornadas planificadas con este proxecto. 8 xornadas polo Camiño do Mar e 4 xornadas polo Camiño Inglés.
Desde a Asociación Camiño de Mar valoran este proxecto como moi positivo, xa que serviu para dar a coñecer o propio Camiño e tamén o patrimonio cultural, histórico, etnográfico e paisaxístico que nos ofrece o noso territorio e que o Camiño do Mar serve de introductor na súa posta en valor. Desde que se puxo andar este proxecto notouse un incremento moi grande de interese por parte de editoriais e xentes que queren descubrir o propio Camiño do Mar.
Este proxecto contribuíu a potenciar e dar a coñecer un dos recursos máis importantes que ten as nosas comarcas e concellos, un Camiño de Peregrinación a Santiago con moita historia e documentación que caeu no esquecemento nos últimos dous séculos, pero que grazas ao labor que se está realizando está a recuperarse, mostra diso é o paso de peregrinos estranxeiros interesados polo Camiño do Mar, distintos xornalistas especializados que están a realizar o Camiño do Mar e peregrinos de distintos lugares, algo que non viña ocorrendo en anos.
A asociación dá as grazas a todos os concellos que colaboraron polos que discorre o Camiño do Mar con este proxecto e ao mesmo tempo co seu propio concello, en poñer en valor, quizais o valor patrimonial máis importante que se posúe. Bótase en falta ao propio Xacobeo ao que se lle pediu unha colaboración simbólica de merchandising hai uns meses, sen contestación. Lembran que se está incumprindo o acordo parlamentario por parte da Xunta de Galicia.
“O Parlamento de Galicia insta a Xunta de Galicia a desenvolver os trámites e xestións que estime oportunas co obxecto de oficializar como ruta xacobea este novo viario de peregrinación coñecido como Camiño do Mar, de tal xeito que se inicien os traballos para a divulgación e promoción deste percorrido que empeza en Ribadeo, continúa polos concellos de Barreiros, Foz, Burela, Cervo, Xove, Viveiro, Ortigueira, Cedeira e chega ata Neda, no que se funde coa ruta oficial do Camiño Inglés e chega ata Santiago.”
Hai xente que non é consciente que os Camiños, aínda que hai xente poñendo pedras, seguen indo para adiante. Os Camiños fanos os peregrinos, que cada vez son máis. A sinalización realizada hai anos foise reforzando, a medida que se foi camiñando, metendo uns sprais e pintando as frechas amarelas.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
