Só unha persoa “ausente da realidade da comarca” pode asegurar que o Feve está en bo estado, cando se suceden as queixas dos veciños e aumentan os incidentes que fan crecer a preocupación pola perda deste servizo
Cervo, 26 de xullo de 2022. O alcalde de Cervo, Alfonso Villares, vén de insistir na necesidade de “estar alerta” ante o que definiu como o “progreso desmantelamento” do ferrocarril de vía estreita (Feve) unha situación da que foron advertidos polos representantes de Comisións Obreiras.
O rexedor lembra que os alcaldes da Mariña mantiveron un encontro a semana pasada co sindicato Comisións Obreiras “na que nos trasladaron estas deficiencias” e a preocupación pola decadencia deste servizo.
“Todas as manifestacións e todas as inquedanzas que expliquei na prensa, foron comunicadas e referendadas polos representantes dos traballadores. Falouse dunha perda paulatina de postos de traballo. Hai seis anos había 12 persoas e hoxe tan só sete, para prestar todos os servizos”.
“Falouse tamén da falta de reforzos dos trens na época estival ou polas festas, a pesar de que hai máis visitantes e, polo tanto, máis posibles usuarios. De feito, son moitas as ocasións que queda xente en terra por non ter sitio no tren, porque soamente empregan un ou dous vagóns”.
“Explicáronnos finalmente problemas estruturais, que a rede ferroviaria está moi obsoleta, que falta persoal e pezas para realizar reparacións ou mantemento. Incluso confirmaron que Feve decidiu suprimir o tráfico de mercadorías, o transporte de aluminio e de madeira”.
Oídos xordos do Ministerio ante as reivindicacións de mellora
Villares lembrou que hai cinco anos constituíuse unha plataforma de municipios en defensa do ferrocarril na comarca pero que, ante o deterioro da situación resulta evidente que o Ministerio de Transportes fixo caso omiso ás reivindicacións que se lle trasladaron.
Explicou tamén que o propio sindicato leva máis dun ano solicitando unha entrevista co delegado do Goberno central en Galicia, sen obter resposta.
Defender o bo estado de Feve é estar fóra da realidade da comarca
O rexedor popular di que só unha persoa “ausente da realidade da comarca” pode asegurar que o Feve está en bo estado, cando se suceden as queixas dos veciños e aumentan os incidentes que fan crecer a preocupación pola perda deste servizo, como así nolo fixeron saber os representantes sindicais.
Con todo, o rexedor di non ter ningún interese en confrontar con ninguén “Eu débeme exclusivamente aos meus veciños e estou ao seu servizo. E por respecto a eles non vou a confrontar con alguén que non vive na comarca e que tira dun argumentario que lle mandan os seus superiores, aos que se debe, e no que se describe unha situación que non se corresponde coa realidade da comarca, nin coas reivindicacións dos veciños da Mariña”
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
