Os últimos anos púxose de moda o termo “cuñao” para referirnos ao suxeito que, supostamente, sabe de calquera tema, que dá leccións sen que ninguén llas pida e que, polo xeral, senta cátedra en espazos públicos, xa sexan físicos como os bares, ou virtuais, como os foros ou redes sociais.
Non é que eu sexa un experto en “cuñadoloxía”, porque tampouco son unha persoa dada a socializar moito con descoñecidos. Sen embargo, si que me gusta examinar a un “cuñao” dende a distancia, tanto en vivo como en internet, porque o considero interesante se un non se implica no eido emocional. A partir de aí, creo que hai algunhas verdades e algúns mitos sobre este personaxe que é parte da paisanaxe urbana e rural que convén delimitar para saber do que falamos e, sobre todo, para sermos rigorosos.
Os principais elementos da sabedoría popular que se cumpren cando se fala dos “cuñaos” son dous. O primeiro, que o nivel de coñecemento do que falan cando queren ensinar aos demais é, no mellor dos casos, superficial, cando non inexistente. Por outra banda, estes personaxes sempre sentarán cátedra e non terán problema en desbotar, mesmo con argumentos sectarios ou de (suposta) autoridade, as opinións contrarias, aínda que estean mellor fundamentadas.
Sen embargo, hai dous lugares comúns, ao meu entender tendenciosos, que non se dan sempre cando falamos de “cuñaos” e que convén matizar. Son os seguintes:
1. Existe o costume de empregar o termo “cuñao” para descualificar opinións que se consideran sempre de dereitas ou conservadoras, e aí nego a maior. O motivo é que os “cuñaos” se mimetizan co entorno ou son un subproduto do mesmo; polo tanto, un “cuñao” existe cando hai un humus que favoreza o seu desenvolvemento. Por poñer un exemplo, alí onde a esquerda sexa socialmente hexemónica, será máis factible que os “cuñaos” respondan a ese perfil ideolóxico, mentres que, onde o sexa a dereita, acontecerá o contrario.
2. Por outra banda, tamén se pensa que un “cuñao” responde ao prototipo dun varón de mediana idade, desleixado e dun nivel cultural medio ou baixo. Erro maiúsculo, porque un “cuñao” pode ser de calquera xénero, idade, presenza exterior ou nivel cultural. O mínimo común denominador para que o “cuñadismo” agrome é o que se dixo antes: falar con seguridade e con ánimo proselitista do que non se sabe e ter unha actitude arrogante ante as obxeccións. Se se cumpren esas condicións, “cuñao” pode ser calquera.
Se ben este tipo de personaxes sempre existiron, baixo outras denominacións, na democracia posmoderna teñen máis notoriedade da que terían noutros tempos. Por iso é aconsellable que nós sexamos os primeiros en ollar cara á realidade sen prexuízos e con humildade, precisamente para non ser nós mesmos “cuñaos”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
