Os nacionalistas esixen que rectifiquen a falsidade de que existiron denuncias xudiciais do BNG
Barreiros, 22 de xullo, 2022. O Bloque Nacionalista Galego en Barreiros pídelle ao Partido Popular que deixe de mentir e embarrar a vida municipal, despois de ter deixado un concello saqueado do que o máximo artífice fuxiu en canto viu que non lle seguía sendo de utilidade ser cargo público.
O triste, afirman desde o BNG, é que “sexa esta persoas quen continúe marcando a liña política dos que quedan no grupo popular (tres persoas que asistiron ao último pleno) facendo que a súa política estea inzada de rancor e mentiras.”
“Toda a veciñanza está esperando que fagan algunha proposta para algo, mesmo as que anuncian e caen en saco roto, porque demostran unha vez máis a súa incapacidade e a súa falta de interese polo ben público; como xa fixeron cando gobernaron”.
Os nacionalistas lémbranlle ao PP que as denuncias falsas deben ser así denominadas por un xulgado. E lémbranlle tamén que nunca existiron denuncias xudiciais do BNG, porén, quen si que acusou ao antigo goberno foi a Fiscalía, en base a cuxas acusacións se desenvolveron os procedementos xudiciais.
“Están tan afeitos a mentir e que lles sirva para quedar contentos, que ata falan de denuncias da actual alcaldesa e dos concelleiros, cando nin unha nin tres cuartos dos outros formaban parte da corporación municipal naquel momento non que se abriron dilixencias, insistimos, con acusacións da Fiscalía.”
Advírtenlles, neste sentido, que analizarán as consecuencias que poidan derivarse destas mentiras, que rozan a calumnia e a difamación, a sabendas de que non son certas. Por iso, esixen que rectifiquen o comunicado aclarando se identifican a Fiscalía co BNG.
Boicotear ao goberno, único obxectivo do PP
O rancor é o único que move actualmente a quen fai este tipo de declaracións e a quen ten actitudes tan pouco racionais como negarse a aceptar un pago a prazos; xa que o único que pretenden é anular a capacidade dun goberno que xa superou situacións dramáticas a nivel orzamentario froito do seu saqueo.
Seguen sendo igual de danosos para o interese xeral na oposición ca o foron no goberno, onde a veciñanza xa os colocou no seu sitio, camiño da irrelevancia; como demostra que nin sequera asistan ao pleno sistematicamente a totalidade dos concelleiros e concelleiras.
O BNG lamenta que “as aportacións do PP á vida municipal de Barreiros sexan estas e sigan estando dirixidas por quen xa demostrou o seu nulo interese polo concello, deixando mesmo aos seus compañeiros vendidos e fuxindo para seguir atendendo aos seus negocios”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
