O Grupo Provincial Popular ofrece a súa colaboración para deseñar o plan que “debe ter en conta a opinión dos alcaldes e alcaldesas”
Lugo, 8 de agosto de 2022. O Grupo Provincial Popular insta ao goberno da Deputación a colaborar cos Concellos ante a situación de escaseza de auga e ofrécese a colaborar no deseño dun plan de axudas dirixido ás administracións locais -que son as que teñen competencia na materia- no caso de que teñan que acometer actuacións extraordinarias para garantir o subministro de auga. Os populares defenden que o plan debe atender ás demandas e necesidades dos Concellos e, polo tanto, “débese ter en conta aos alcaldes e alcaldesas”.
O voceiro, Javier Castiñeira, explica que “somos coñecedores de que hai Concellos da nosa provincia que solicitaron á Deputación de Lugo axuda para paliar os efectos da seca que afecta ao abastecemento de auga nos municipios do interior que teñen detectada unha baixada nos niveis dos seus ríos e do caudal nos seus mananciais”.
Castiñeira lembra que “un dos piares fundamentais das deputacións provinciais é a cooperación cos concellos máis pequenos e que, polo tanto, os que máis dificultades poden ter á hora de desenvolver medidas para facer fronte a situacións de emerxencia”. Polo tanto, “entendemos que a Deputación de Lugo debe estar aí para axudar e colaborar con estes Concellos”. De feito, “non é a primeira que o está a facer”: a Deputación de Pontevedra xa anunciou un plan de axudas aos Concellos para que poidan actuar en caso de que a situación de seca poida comprometer o abastecemento de auga.
O popular considera que “é un tema serio no que debemos colaborar tódalas administracións”. E engade que “dende o Grupo Provincial Popular estamos dispostos a colaborar xa sexa a través dunha xunta de voceiros ou de calquera outro formato de traballo que considere o equipo de goberno e no que participen tamén os alcaldes”.
O voceiro do Grupo Provincial Popular propón un plan de axudas encamiñado a mellorar as captacións, facer obras provisionais, garantir o subministro con cisternas ou tamén para desenvolver campañas de concienciación para diminuír o consumo.
Castiñeira pídelle ao goberno provincial “que se poñan a traballar canto antes neste sentido” tendo en conta que “dispón de medios e recursos suficientes” e atendendo, sobre todo, “á demanda que está chegando dende os Concellos á Deputación de Lugo e que deben ser tidas en conta”. Trátase “dun problema importante de provincia porque non é un problema puntual dun único concello, senón que son moitos os afectados” que, incluso, xa teñen tomado medidas e pedido aos veciños facer un uso racional da auga.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
