“Semella que o goberno de Ribadeo avanza na dirección contraria aos intereses do Partido Popular”. Estas son as últimas declaracións da concelleira de Obras e Servizos Sociais. Nós preguntámonos se o goberno do BNG sabe realmente en que dirección avanza. Quizais retroceda e nin se percaten. Cada un anda ó seu. Cada día máis nerviosos e máis divididos.
Tres anos. Levamos practicamente unha lexislatura de intenso traballo e xestión. Nós constantemente apostamos polo acordo dentro da Corporación Municipal. Durante toda a lexislatura levamos propostas ós plenos. Propostas de impulso económico coma a rebaixa do prezo do solo industrial, reactivación dos diferentes sectores ou impulso no rural, melloras medioambientais… e un longo etc. que se recolle nas diferentes mocións que presentamos. Cal foi o voto do BNG? NO, NO, NO… UN NO CONSTANTE. Son vostedes os incapaces de representar os intereses dos veciños e veciñas… Nós si propoñemos, sra concelleira. Nós somos perfectamente capaces de achegar propostas. De feito xa o fixemos e o seguimos facendo. Aí está a documentación. Comprenderá vostede que non temos motivos para estar nerviosos. Nada temos que esconder. Nós non precisamos recorrer ó insulto nin a descualificacións como fan vostedes. Porque dito sexa de paso, moito lles preocupa o portavoz deste grupo municipal! Moito lles quita o sono! En calquera caso, moi elegante e democrática estratexia a súa. Dende logo, moi acertado o seu artigo “Non todo vale en política”. Ó final vai ser verdade que non saben por onde andan…
Efectivamente: “non todo vale”. O voceiro deste grupo municipal non cobra como un Ministro do Goberno. Cobra exactamente igual que un deputado do BNG. Claro que se vostede non está de acordo cos soldos do BNG é unha cuestión que deberían arranxar entre vostedes. Pola nosa parte, o mesmo ca vostede, tamén poderíamos caer na demagoxia e preguntarlle polos seus privilexios na Deputación; pero, por suposto, tampouco o vamos facer.
Efectivamente: “non todo vale”. Non vale mentir. Moito lles molesta a rehabilitación do CEIP Gregorio Sanz, pero nós repetímolo alto e claro, XESTIONOUNA ESTE GRUPO MUNICIPAL E FOI SUBVENCIONADA CON FONDOS QUE ADMINISTRA A XUNTA DE GALICIA (1.000.000€). O goberno do BNG o único que fixo foi poñer paus nas rodas dende a substitución do montacargas. Se por vostedes fora, non había nin ascensor, pese a ser unha obra de primeira necesidade posto que había alumnado que o precisaba! ¿Non se dan conta que foron a rebufo toda a lexislatura? Non escoitan ós veciños nin ós colectivos e iso failles ir a rebufo.
Efectivamente: “non todo vale”. Non vale falsear. Simplemente con escoitar e traballar pódese xestionar moita inversión en beneficio dos veciños… ou polo menos intentalo! Claro que este grupo xestiona máis que o goberno. Demostrase con cifras. Xa sabemos que lles molesta, pero é a realidade. Canto xestionou vostede e o seu goberno? Cifras, sra. Concelleira… CIFRAS!
Efectivamente: “non todo vale”. Non vale enganar. Ante unha ausencia de proxecto, o máis doado é intentar enganar ós veciños. Na carretera dos garitos puideron solicitar o Plan Hurbe para levar a cabo a obra, o mesmo que na rúa Pintor Fierros. Por que non o fixeron? Seguramente porque xa non ían poder poñer carteliños de pipas, donuts e snacks variados. E claro, unha vez que rematasen as obras, visitaríanos a conselleira para a súa inauguración. Ese é o problema! Que a Xunta inaugure unha obra!
Efectivamente: “non todo vale”. Non vale suplantar. Nós levámonos ben con todas as administracións porque, como servidores públicos, o mesmo ca vostedes, estamos na obriga de xestionar orzamento de todas en beneficio dos veciños. Non soamente é ir ocupar asentos nas primeiras filas e sacar fotos en actos que nós respaldamos economicamente. A onde pensa que os conduce esa confrontación continua? A ningures, sra. concelleira. Esa confrontación xa ninguén a quere nin a cre. Quedou tan obsoleta e caduca coma quen a practica.
Efectivamente: “non todo vale”. Non vale traizoarse. Nós non o sabemos todo, pero traballamos con ilusión. Vemos un goberno do BNG esgotado e temos proxectos, ganas de traballar e amor polo noso pobo. Non se molesten nin intenten provocar porque non vamos recorrer ó insulto nin á confrontación. Tampouco vamos recordar actitudes do seu xefe en Rinlo ou na Estación de Autobuses. Se non é coñecedora, pregúntelle a el ou a calquera dos veciños que foron testemuñas. Di vostede que na política tampouco vale a hipocrisía, a falacia e a falta de integridade. Aplíquese o conto… máis humildade e máis honestidade, sra. concelleira… MÁIS HUMILDADE!
Notamos que vostede está molesta por algunha verdade que dixemos. Vostede é concelleira do goberno e nós observamos que pasa máis tempo na Deputación que en Ribadeo. Estando en Lugo, mal se pode facer aquí o traballo. Somos coñecedores de que se envía o traballo a distancia por medio de mensaxes. Apostamos que non coñece a maioría dos barrios nin as parroquias. O que si podemos confirmar é que a vostede non a coñecen. Esa é a realidade. Moleste a quen lle moleste. Sabe cal é o problema? Que a enfermidade do ego estendeuse sen volta atrás por todo o BNG. E vostede non debía estar vacinada porque a colleu de cheo!
Mire: cando hai traballo, os números falan. Nós dende a humildade escoitamos a todos os veciños e veciñas e dende esa mesma humildade lles trasladaremos a inversión que lideramos nesta lexislatura. Inversión sen insultos nin confrontacións. E como sempre dicimos nós, non vostedes, seguiremos escoitando ós nosos veciños e veciñas a pesar de que ó BNG non lle guste.
Daniel Vega, voceiro do Grupo Municipal Popular de Ribadeo
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
