Ribadeo, 16 de stembro, 2022. Un domingo máis (o día 11 deste mes), na praza do mercado de Ribadeo, poidemos mercar directamente ás produtoras produtos alimentares producidos nas proximidades de onde vivimos. E isto acompañado dunha actuación musical, que fixo que o feito de comprar algo ás/aos nosas viciñas tivese tamén un compoñente social e cultural.
Este tipo de iniciativas, promovidas e/ou apoiadas polo equipo de goberno do BNG do concello de Ribadeo, teñen unha grande importancia porque fan visíbeis as persoas que producen alimentos de moita calidade nos nosos arredores. Así, a poboación en xeral vai entendendo e asumindo que é posíbel consumir produtos de proximidade, de moito valor e máis baratos, e que o seu transporte ou comercialización non implican un problema ecolóxico ou de sustentabilidade.
A coordinación e dinamización dos distintos sectores, asociacións ou entidades é moi necesaria. Isto é un dos obxectivos do programa Eo Alimenta, no que o concello de Ribadeo participa activamente. Articular os procesos de produción e venda a pequena escala de alimentos, coa idea de camiñar cara un sistema alimentario máis sostible no noso territorio, ese é o desafío deste programa. E nese camiño están actividades como o FestivalEo da alimentación Sustentable, do que o noso concello vai ser anfitreón os próximos 23 e 24 deste mes, venres e sábado desta semana que entra.
Defender e apoiar a produción e o comercio locais supón tamén crear, participar e colaborar activamente con todas as institucións ou organizacións relacionadas con este sector. Por iso non debemos esquecer a importancia da formación, tanto informal como regrada. E no noso concello temos a sorte de contar con un centro de formación agraria, o Centro de Formación e Experimentación Agroforestal Pedro Murias. Combinar os dous tipos reforza e amplía os resultados.
Por suposto, estamos tamén a falar de manter o noso rural vivo, e no que haxa interese en vivir e/ou traballar. Conseguir iso implica incidir en moitos campos. Tamén no dos servizos que se ofrecen (estradas en bon estado, telefonía, atención á dependencia, dinamización cultural…). E niso está empeñado o equipo de goberno do BNG do concello de Ribadeo, en loitar contra o abandono do rural ao que ven sendo sometido desde hai décadas coas políticas (ou falta de políticas) do PP no goberno da Xunta.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
