Golean 12-2 ao Sala Zaragoza, na segunda xornada de Primeira Federación de Futsal Feminino
Burela, 17 de setembro, 2022. O CD Burela FS consegue alzarse coa vitoria no primeiro partido en casa de Primeira Federación Feminina. En todo o encontro foi un equipo moi superior, xerando todas as ocasións e tendo todo o peso do partido.
Na primeira parte chegaría a anotar a alta suma de sete goles a favor. Abriría a conta Irene Samper aproveitando un rexeite de Vero. O segundo anotaríao Patricia nun contragolpe despois doutro rexeite na meta do Zaragoza. O terceiro xurdiu a partir dunha xogada combinativa excelente, poñendo o dobrete persoal Irene Samper. O cuarto chegaría a mans de Emilly, que non perdoaba ante Vero. Seguía a festa laranxa co quinto de Jenny sendo servida por unha fenomenal asistencia de Patricia. O sexto poñíao Dasha con outro moi bo gol de equipo, volvendo ser Patricia a asistente. Por último, Cilene poñería o broche a esta primeira metade de escándalo cun trallazo que se coou na portería despois de pegar no traveseiro.
As laranxas non cedían no festival de goles, e nos primeiros minutos da segunda parte anotaron ata tres . Primeiro, Irene Samper cun disparo cruzado, Despois Emilly Cazando un balón na área e o terceiro con outra vez Irene Samper que sumaba catro goles á súa conta. O Sala Zaragoza recortaría distancias por mediación de Jaimes.
Ao partido aínda quedarían goles, pois Dasha anotaría tras un bo disparo con asistencia de Peque, e Mirian recortaría outra vez distancias desde un gol dese o seu campo. Ao partido quedaría un gol en propia de Bravo que poñería o final cunha vitoria contuntende das laranxas.
Ficha técnica
CD Burela FS: Jozi, Irene Samper, Emilly , Dany, Peque, -Cinco Inicial- Masha, Jenny, Cilene Dasha y Patricia, Antía e Evelina
Sala Zaragoza: Vero, Moreno, Boix , Giba, Mirian, -Cinco Inicial Illescas, Jaimes, bravo e Zahra.
Goles: Min 3 Irene Samper 1-0; Min 8 Patricia 2-0; Min 10 Irene Samper 3-0; Min 11 Emilly 4-0; Min 15 Jenny 5-0; Min 16 Dasha 6-0; Min 18 Cilene 7-0; Min 21 Irene Samper 8-0; Min 22 Emilly 9-0; Min 24 Irene Samper 10-0; Min 28 Jaimes 10-1. Min 34 Dasha 11-1; Min 34 Mirian 11-2. Min 39 Bravo 12-2.
Equipo arbitral: Coello Martínez Darriba Villamor – De Luis Iglesia,
Incidencias: Partido correspondente á 2ª xornada da Primeira Federación de Fútbol Sala Femenino disputado no pabillón Vista Alegre.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
