Perden 6-4 nun partido moi igualado
Burela, 17 de setembro, 2022. Inicio dunha primeira metade moi igualado, que conseguiu romper táboas O Parrulo Ferrol con gol de Rubén Orzáez cun bo tiro desde fóra da área. Na seguinte xogada o CD Burela FS tería unha gran ocasión con Isma, pero non sería ata pasados uns minutos despois cando se produciría o empate cun gol de Rikelme cazando un balón dentro da área. Seguía a igualdade en pista, e os ferroláns volverona romper con gol de Adri un disparo moi bo preto do poste. O CD Burela FS tivo ocasións máis claras para empatar o partido, con todo, o resultado iríase ao descanso con 2-1 a favor dos locais.
Segunda parte na que se anotaron a maioría de goles. Empezaría cun disparo de Hélder ao Pau, pero sería Antón Arnejo chegando ao segundo pau ,o que marcaría o gol causando outra vez empate na Malata. Segurían os laranxas apertando ata conseguir poñerse por diante, cun golazo de Lucho que mandaba un balón á escuadra. O CD Burela FS conseguiu manter o marcador ata que se produciu un penalti que anotou Adri empatando o partido e Pazos sería expulsado por dobre amarela. Aínda coa expulsión os mariñáns tiveron ocasións de volverse a poñer por diante, con accións de Alberto Mirás e Rikelme, pero sería o Parrulo o que se adiantaría no marcador con gol de Tatin Yrigoyen. Ademais, o conxunto de David Rial cometería a sexta falta e aumentaría a vantaxe Adri de dobre penalti.
Sacando o porteiro xogador o Burela, puido recortar distancias con gol de Isma con outro bo disparo, pero finalmente, a minutos do final sentenciaba Adri aproveitando un rexeite na área, facendo o 6-4 definitivo.
Ficha técnica
CD Burela FS: Bruno, Pazos, Lucho, Isma, Rikelme, -Cinco Inicial- Pitero, Nando, Alberto, Antón Arnejo, Nito, Eloy y Roi
O Parrulo Ferrol: Coro, Iván Rumbo, Hélder, Kevin Chis, Adri, -Cinco inicial- Pedro, , Rubén Orzáez, Tatin Yrigoyen, Noel, Alex Regueira, Wilson Francia, Domingos
Goles: Min 6 Rubén Orzáez 1-0; Min 9 Rikelme 1-1; Min 12 Adri; Min 22 Antón Arnejo 2-2; Min 26 Lucho 2-3; Min 31 Adri 3-3; Min 34 Tatin Yrigoyen 4-3; Min 35 Adri 5-3; Min 38 Isma 5-4; Min 39 Adri 6-4.
Equipo arbitral: Miguel velasco, F, Miguel velasco, R. – López López, D, López Seijas
Incidencias: Partido correspondiente a la 1ª jornada de la Segunda Federación de Fútbol Sala Masculino disputado en el pabellón A Malata.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
