“É unha mostra máis da debilidade e infradotación á que ten sometida a Xunta á Atención Primaria, e que levamos denunciando os socialistas desde hai moito tempo”
Lugo, 30 de setembro de 2022. O Secretario Xeral do PSdeG na provincia de Lugo, José Tomé Roca, advertiu de que o SERGAS está citando ás persoas maiores de 85 anos para recibir a cuarta dose da vacina da Covid nos hospitais, e non no PAC de referencia de cada concello, como si se fixo con anteriores doses das vacinas. “A Xunta debe recapacitar e corrixir esta decisión errónea. Ó igual que é lóxico que o SERGAS leve a vacina ás residencias de maiores, ten que levala ós centros de saúde, para facilitar o desprazamento máis curto posible ós veciños e veciñas de maior idade”, asegurou.
Con esta “medida incomprensible, sobre todo nunha provincia eminentemente rural e cunha poboación tan dispersa e envellecida como a nosa, a Xunta está ocasionando un trastorno e un problema ás familias, dificultando gravemente que acudan a vacinarse as persoas maiores porque teñen que desprazarse moitos quilómetros para poder facelo, e obrigándoos a facer un gasto importante”. “En vez de acercar servizos públicos básicos, como a sanidade, á xente que máis o necesita, alónxana”, recalcou.
Tomé Roca denunciou que a decisión de vacinar aos maiores nos hospitais “é unha mostra clara da debilidade e infradotación de persoal á que está sometendo a Xunta á Atención Primaria, tal e como vimos denunciando os socialistas”.
Por iso, emprazou ao Goberno do PP a que recapacite, e que as vacinacións se realicen nos PACs de referencia, como en anteriores ocasións, para facilitar o acceso, maior comodidade das persoas maiores e un gasto económico.
“Unha vez máis, o PP abandona ós veciños do rural, toma unha decisión sen previr as consecuencias, cara unha poboación de risco e durante esta época do ano, o que di moito da nula sensibilidade social dos dirixentes populares. Nin coñecen o rural, nin atenden as súas necesidades, nin as sanitarias, nin as educativas, nin as de atención ós maiores”, remarcou o Secretario Xeral do PSdeG.
Carlos López: “É unha vergonza”
Neste sentido, o Alcalde da Fonsagrada, Carlos López, sinalou que os maiores dese concello veñen de recibir cita para vacinarse no HULA. “É unha vergonza que se obrigue ós maiores de 85 anos, moitos con mobilidade reducida, mesmo de grao tres, a desprazarse 60 quilómetros, véndose obrigados a pagar 60 ou 70€ polo taxi, para recibir unha vacina que antes recibían no seu centro de saúde, e máis nun concello como o da Fonsagrada, no que máis do 70% da poboación sobrepasa os 70 anos”.
O rexedor socialista fíxose eco das queixas de numerosos veciños “que se acercan ó Concello para protestar e pedirme que denuncie esta situación”.
“Non é normal que, nun momento no que o PP anuncia baixada de impostos, teña a sanidade pública nunha situación de declive, algo que os galegos non nos merecemos”, incidiu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
